Արժեթղթերի պահառություն

Բանկը հանդիսանում է Արժեթղթերի հաշվառման և հաշվարկային միասնական համակարգի անդամ և  ունի Հայաստանի կենտրոնական դեպոզիտարիա ԲԲԸ-ի կողմից շնորհված Հաշվի օպերատորի կարգավիճակ:

Որպես հաշվի օպերատոր, Բանկը համակարգի միջոցով իրականացնում   է      կորպորատիվ արժեթղթերի պահառության ծառայությունների  միջնորդավորումը, ինչպես նաև կատարում Հաճախորդի կողմից ներկայացված հանձնարարականները:

Բանկը արժեթղթերի հաշվի բացման համար Հաշվետիրոջ հետ կնքում է արժեթղթերի պահառության պայմանագիր:

Հաշվի բացման (վերաբացման) համար, բացառությամբ ժառանգատուի հաշվի վերաբացման դեպքի, Բանկ է ներկայացվում հաշվի բացման հանձնարարական: Հաշվի բացման (վերաբացման) համար անհրաժեշտ փաստաթղթերն են՝

Ֆիզիկական անձի համար

• Հաշվետիրոջ անձը հաստատող փաստաթղթի պատճենը;
• Ռեզիդենտ Հաշվետիրոջ ՀԾՀ հավաստող փաստաթղթի կամ դրա բացակայությունը հավաստող տեղեկանքի պատճենը, իսկ ոչ ռեզիդենտի դեպքում՝ անձին միանշանակ նույնականացնող այլ համարժեք փաստաթուղթ (առկայության դեպքում);
• Հաշվի վերաբացման համար` Հաշվետիրոջ նույնականացման համար անհրաժեշտ այլ փաստաթղթեր;
• Լիազորված անձի դեպքում` լիազորությունները հավաստող փաստաթղթի բնօրինակը և լիազորված  անձի անձը հաստատող  փաստաթղթի պատճենը;
• Բանկի ներքին ակտերով պահանջվող այլ փաստաթղթեր:

Իրավաբանական անձանց համար՝

• Հաշվետիրոջ պետական գրանցումը հավաստող փաստաթղթի պատճենը;
• ՀՎՀՀ կամ այլ համարժեք համարը (ոչ ռեզիդենտ Հաշվետերերի դեպքում) հավաստող փաստաթուղթ, առկայության դեպքում;
• Առանց լիազորագրի իրավաբանական անձի անունից գործելու իրավունք ունեցող անձանց համապատասխան պաշտոնի նշանակման փաստը հաստատող փաստաթղթի պատճենը;

• Իրավաբանական անձի անունից հանդես եկող անձի` անձը հաստատող փաստաթղթի պատճենը;
• Լիազորագրի հիման վրա գործող անձի դեպքում` նաև լիազորությունները հավաստող փաստաթղթի բնօրինակը կամ պատճենը;
• Բանկի ներքին ակտերով պահանջվող այլ փաստաթղթեր: