Բանկի հիմնադիր բաժնետերերն են Ավետիս Բալոյանը, ով տնօրինում է բանկի բաժնետոմսերի 35.42%, և Կարեն Սաֆարյանը՝ 30.62%։ Բանկի բաժնետերերի ցանկում են ընգրկված նաև խոշոր ֆինանսական հաստատություններ՝ agRIF Cooperatief U.A ֆինանսական հաստատություն՝ 10.01% բաժնեմասով (2018 թվականից), «Դեվելոփինգ Վորլդ Մարքեթս» (DWM) ամերիկյան ներդրումային ընկերությունը՝ 5.09% (2019 թվականից) և Ինեկո Փարթներս ՓԲԸ-ն՝ 4․99% (2021 թվականից):
Կանոնադրական կապիտալի փոփոխությունների մասին որոշումն ընդունվում է ընդհանուր ժողովի ժամանակ:
2014 թվականին Բանկի չբաշխված շահույթից 4,155,870,000 ՀՀ դրամ գումար ուղղվել է կանոնադրական կապիտալի ավելացմանը` յուրաքանչյուր բաժնետոմսի անվանական արժեքը մեծացնելով 30,000 ՀՀ դրամի չափով:
2011 թվականին Բանկի չբաշխված շահույթից 3,463,225,000 ՀՀ դրամ գումար ուղղվել է կանոնադրական կապիտալի ավելացմանը` յուրաքանչյուր բաժնետոմսի անվանական արժեքը մեծացնելով 25,000 դրամի չափով:
2010 թվականին Բանկի չբաշխված շահույթից 2,077,935,000 ՀՀ դրամ գումար ուղղվել է կանոնադրական կապիտալի ավելացմանը` յուրաքանչյուր բաժնետոմսի անվանական արժեքը մեծացնելով 15,000 դրամի չափով:
Թարմացված է 17.06.2022 12:24
Հայերեն
English