InecoMobile | INECOBANK

Ի՞նչ է InecoMobile-ը

InecoMobile բջջային հավելվածը ժամանակակից մոբայլ բանկինգի լավագույն տարբերակն է, որը հնարավորություն է ընձեռում, ունենալով միայն սմարթֆոն և ինտերնետ հասանելիություն, կատարել բանկային գործարքներ ցանկացած վայրում, ցանկացած պահի` 24/7 ռեժիմով։ Բացահայտեք InecoMobile-ի հնարավորությունները` ներբեռնելով այն App Store կամ Play Market օնլայն հարթակներից։

Միանալ հիմա

դիմեք և ստացեք վարկ ԻնեկոՄոբայլ հավելվածի միջոցով

Օնլայն վարկ

InecoMobile հավելվածի շնորհիվ կարող եք դիմել և ստանալ վարկ աշխարհի ցանկացած կետից 24/7 ռեժիմով։ Դրական որոշման դեպքում՝ վարկը մի քանի վայրկայնների ընթացքում հասանելի կլինի Ձեր ընթացիկ հաշվին։

Ավանդների օնլայն ձևակերպում

ԻնեկոՄոբայլ հավելվածի միջոցով կարող եք ստանալ հնարավորություն ձևակերպելու հաստատուն տոկոսադրույքով և բարձր եկամտաբերությամբ ավանդներ՝ առանց Բանկի մասնաճյուղ այցելելու։ Մի քանի պարզ քայլ, և Ձեր ավանդն արդեն իսկ ձևակերպված է։ Կախված ավանդատեսակից՝ Դուք կարող եք ցանկացած պահի այն համալրել կամ նվազեցնել։

Ի՞նչպես ակտիվացնել paylater-ը

Դիմե՛ք InecoMobile-ով և ստացե՛ք մշտապես հասանելի paylater վճարային սահմանաչափ վայրկյանների ընթացքում՝ 24/7 ռեժիմով։

ԻնեկոԸնկեր փոխանցումներ

Եթե ցանկանում եք գումար փոխանցել Ինեկոբանկի հաճախորդ Ձեր ընկերոջը, ապա ԻնեկոԸնկեր գործառույթը Ձեզ համար է։ Պարզապես մուտքագրեք Ինեկոբանկի հաճախորդ Ձեր ընկերոջ հեռախոսահամարը կամ էլեկտորնային հասցեն, նշեք անհրաժեշտ գումարը և հաստատեք գործարքը։ Գումարը հասանելի կլինի նրա ընթացիկ հաշվին հաշված վայրկյանների ընթացքում։

Հաշիվների կառավարում

Կառավարեք Ձեր հաշիվները, կատարեք ներբանկային, միջբանկային և միջազգային փոխանցումներ և տարատեսակ վճարումներ առանց այցելելու բանկի մասնաճյուղեր։

TouchID / FaceID

Մուտք գործեք բջջային հավելված՝ օգտագործելով Ձեր կենսաչափական տվյալները։

Այլ բանկի քարտի կցում

Կցեք այլ բանկի քարտ և կատարեք վճարումներ ու փոխանցումներ՝ օգտագործելով տվյալ քարտին առկա դրամական միջոցները։

Արագ ու հեշտ գործարքներ

Ստեղծեք ձևանմուշներ և կատարեք պարբերական փոխանցումներ՝ առավել արագ ու հեշտ գործարքների համար (direct debit), և Ձեր վճարումները ավտոմատ կիրականցվեն։

Արտարժույթի փոխանակում

Կատարեք արտարժույթի փոխանակում՝ լավագույն պայմաններով։

Արագ դրամական փոխանցում

Ստացեք արագ դրամական փոխանցումներ։

Կոմունալ վճարումներ

Մուտք գործեք համակարգ օգտագործելով Ձեր բիոմետրիկ տվյալները

Կենսաթոշակային քաղվածք

Ծանոթացեք կենսաթոշակային քաղվածքին՝ ընդհամենը 1 հպումով

ՑԱՆԿԱՆՈ՞ՒՄ ԵՔ ՄԻԱՆԱԼ

Ներբեռնեք InecoMobile բջջային հավելվածը առանց որևէ վճարի Play Market կամ App Store օնլայն հարթակներից։

Բանկային ծառայությունների մատուցումը հեռակառավարման համակարգերի միջոցով

Բանկն առաջարկում է ԻնեկոՕնլայն, ԻնեկոՄոբայլ և այլ Համակարգեր` ինտերնետով, հեռախոսազանգի կամ SMS հաղորդագրության և կապի այլ միջոցներով բանկային ծառայություններից օգտվելու, ինչպես նաև տեղեկություններ ստանալու հնարավորություն` առանց Բանկ այցելելու: Համակարգերը ժամանակակից և հարմարավետ գործիքներ են, որոնք հնարավորություն են ընձեռում դիտել Հաշիվներով կատարվող գործառնությունները, ներկայացնել վճարման հանձնարարականներ, ստանալ տեղեկություններ, կատարել արտարժույթի փոխանակում, վճարումներ, ներկայացնել և ստանալ (ակցեպտավորել) դիմումներ, հայտեր, առաջարկներ (օֆերտաներ), կնքել պայմանագրեր և այլ գործարքներ, ինչպես նաև իրականացնել տվյալ Համակարգում Բանկի կողմից մատչելի դարձված ֆինանսական և այլ գործառնություններ: Համակարգերի տեսակները, դրանց օգտագործման պայմանները և կանոնները հրապարակվում են Կայքում կամ համապատասխան Համակարգից օգտվելու համար սահմանված այլ կայքերում, ծրագրային ապահովման միջոցներում և բջջային հավելվածներում և կարող են ժամանակ առ ժամանակ փոփոխվել:
Համակարգերը հասանելի են Բանկում համապատասխան հաշիվներ ունեցող Հաճախորդների համար: Հաճախորդին համապատասխան Համակարգից օգտվելու սարքի, օգտագործողի անվան, գաղտնաբառի, ինչպես նաև Հաճախորդին համակարգից օգտվելու հնարավորություն այլ կերպ ընձեռելը նշանակում է, որ Հաճախորդի և Բանկի միջև կնքվել է Համակարգի տրամադրման պայմանագիր` Հիմնական պայմաններին համապատասխան: Համակարգի տրամադրման պայմանագրի անբաժանելի մասն են Հիմնական պայմանները, Սակագները, համապատասխան Համակարգի օգտագործման ուղեցույցները, Բանկի ինտերնետային կայքերի, բջջային հավելվածների և այլ ծրագրային ապահովման օգտագործման կանոնները և պայմանները, ինչպես նաև Հաճախորդի և Բանկի հարաբերությունները կարգավորող այլ փաստաթղթերը:
Կողմերն ընդունում են, որ Համակարգ մուտք գործելու համար անհրաժեշտ օգտագործողի անվանման, գաղտնաբառերի, կամ այլ հաղորդագրությունների մուտքագրմամբ Բանկն իրականացնում է Հաճախորդի անհրաժեշտ և բավարար նույնականացում, ինչը հիմք է Համակարգերի միջոցով Հաճախորդին բանկային ծառայություններ մատուցելու համար:
Կողմերն ընդունում են, որ Հաճախորդին նույնականացնելուց հետո Համակարգ մուտք գործելու համար Հաճախորդի կողմից օգտագործվող գաղտնաբառն ունի թղթային կրիչի վրա դրված բնօրինակ ստորագրությանը համարժեք իրավաբանական ուժ: Հաճախորդի կողմից Համակարգ մուտք գործելուց հետո Համակարգի միջոցով Բանկ ներկայացվող բոլոր հայտերը, դիմումները, պայմանագրերն ու այլ էլեկտրոնային փաստաթղթերը համարվում են ստորագրված Հաճախորդի կողմից: ԻնեկոՕնլայն Համակարգի միջոցով տեղեկատվություն փոխանակելը հավասարազոր է Բանկի տարածքում առձեռն փոխանակելուն:
Հաճախորդը պարտավոր է խստիվ պահպանել Համակարգ մուտք գործելու գաղտնաբառի և այլ նույնականացնող տվյալների գաղտնիությունը և անհրաժեշտ շրջահայացություն ցուցաբերել Համակարգերն օգտագործելիս այլ անձանց կողմից Համակարգ ապօրինի մուտքի հնարավորությունը և տվյալների հասանելիությունը բացառելու համար: Բանկը պատասխանատվություն չի կրում դրանք երրորդ անձանց բացահայտվելու արդյունքում Հաճախորդին պատճառված վնասների համար:
ԻնեկոՕնլայն, ԻնեկոՄոբայլ և այլ Համակարգերից օգտվելու համար Բանկը կարող է տրամադրել ծրագրային ապահովում, անվտանգության բանալիներ, չիպեր, թոքեններ և Համակարգ մուտք գործելու անվտանգությունն ապահովող այլ սարքեր: Այդ սարքերը համարվում են Բանկի սեփականությունը և ենթակա են օգտագործման Բանկի սահմանած կարգով: Սարքի կորստի կամ փչացման դեպքում Հաճախորդը պարտավոր է անհապաղ տեղեկացնել Բանկին: Բանկը կարող է պահանջել անհապաղ հետ վերադարձնել Հաճախորդին տրամադրված սարքերը, փոխարինել դրանք, ինչպես նաև սահմանել դրանց օգտագործման հատուկ կարգ և պայմաններ:
Բանկն օգտագործում է Համակարգերով տվյալների փոխանցման անվտանգությունն ապահովող ժամանակակից և հուսալի միջոցներ: Այդուհանդերձ, Հաճախորդը Համակարգերն օգտագործում է իր ռիսկով և Բանկը պատասխանատվություն չի կրում Համակարգերի օգտագործման հետ կապված խափանումների, տվյալների կորուստների, ինչպես նաև Համակարգերի օգտագործումից բխող Հաճախորդների տվյալների բացահայտման և Հաճախորդների ցանկացած այլ կորուստների և վնասների համար:
Համակարգերը տրամադրվում են դրանց հասանելիության պահին գործող պայմաններով և հնարավորություն են տալիս օգտվել փաստացի այդ պահին մատչելի գործառնություններից: Հաճախորդը տեղյակ է, որ կախված Վճարային համակարգերի կանոններից և տեխնիկական հնարավորություններից, Քարտային և այլ հաշիվների, ինչպես նաև այլ գործառնությունների վերաբերյալ որոշ տեղեկություններ կարող են Համակարգում արտացոլվել կամ թարմացվել հետագայում: Հաճախորդներին առաջարկվող ծառայությունների ցանկն ու առանձին հնարավորությունները կարող են սահմանափակվել կախված Հաճախորդի համակարգչի կամ այլ տեխնիկական միջոցների հնարավորություններից, կապի որակից, Բանկի կողմից իրականացվող տեխնիկական սպասարկման աշխատանքներից և այլ գործոններից: Բանկը կարող է ավելացնել կամ պակասեցնել Համակարգերով մատուցվող գործառնությունների շրջանակը, ինչպես նաև դադարեցնել կամ կասեցնել Համակարգի մատչելիությունը, (ներառյալ` լուծել Համակարգի տրամադրման պայմանագիրը)` տեխնիկական սպասարկման աշխատանքներ իրականացնելու կամ այլ պատճառներով:
Համակարգերի միջոցով Հաճախորդի ներկայացրած հայտերի ուսումնասիրման արդյունքների, ինչպես նաև Հաճախորդի այլ գործառնությունների մասին Բանկը կարող է տեղեկացնել էլեկտրոնային եղանակով, ներառյալ՝ Համակարգը սպասարկող ինտերնետային էջերի կամ բջջային հավելվածների համապատասխան մասում տեղեկություններ տեղադրելով, էլեկտրոնային փոստով, բջջային հեռախոսահամարին ուղարկված կարճ հաղորդագրությունների (SMS), Համակարգի բջջային հավելվածների կողմից ուղարկվող հաղորդագրությունների (Push Notifications) միջոցով և այլ եղանակներով: Համակարգի միջոցով կատարված գործառնությունների մասին տվյալները պահպանվում են Բանկի սերվերներում և համարվում են ապացույց` վիճելի հարցերի կարգավորման համար:
Բանկն իրավունք ունի Համակարգի միջոցով կատարվող գործառնությունների համար նախատեսել սահմանաչափեր, ինչպես նաև Հաճախորդի հանձնարարականներն ու ցուցումները կատարելիս իրականացնել Հաճախորդի ինքնության հավելյալ ստուգում` պահանջելով լրացուցիչ ձայնային կամ այլ հաստատում: Բանկը կարող է կասեցնել կամ դադարեցնել Համակարգ մուտք գործելու Հաճախորդի հնարավորությունը` Սակագներով և այլ փաստաթղթերով նախատեսված վճարները չկատարելու, սույն Հիմնական պայմանների պահանջները խախտելու, ինչպես նաև Հաճախորդի նույնականության վերաբերյալ կասկածներ ունենալու դեպքերում:
Համակարգի տրամադրման պայմանագրի լուծումը չի հանգեցնում Բանկի և Հաճախորդի միջև առկա այլ պայմանագրային հարաբերությունների փոփոխմանը կամ դադարեցմանը, եթե գրավոր ձևով այլ բան համաձայնեցված չէ:

Պայմաններ և սակագներ

«Բանկային հաշվի «Ստանդարտ» սակագնային պլան» ամփոփագիր (ուժի մեջ է 30.08.2024թ․-ից)«Բանկային հաշվի «Ընթացիկ» սակագնային պլան» ամփոփագիր (ուժի մեջ է 30.08.2024թ․-ից)«Բանկային հաշվի «Ստանդարտ» սակագնային պլան» ամփոփագիր (ուժի մեջ է 01.12.2023թ․-ից)«Բանկային հաշվի «Ստանդարտ» սակագնային պլան» ամփոփագիր (ուժի մեջ է 10.11.2023թ․-ից)Բանկային հաշվի «Ընթացիկ» սակագնային պլան» ամփոփագիր (ուժի մեջ է 23.10.2023թ․-ից)Բանկային սպասարկման հիմնական պայմաններ (ուժի մեջ է 18.08.2023թ․-ից)Բանկային սպասարկման հիմնական պայմաններ (ուժի մեջ է 20.12.2023թ․-ից)

Թարմացված է 06.09.2024 14:12