Ինեկոբանկը ՎԶԵԲ-ի հետ համատեղ իրականացնում է էներգաարդյունավետ ծրագրերի և վերականգնվող էներգիային ուղղված բիզնես նախագծերի ֆինանսավորում սկսած 10,000,000 ՀՀ դրամից կամ համարժեք արտարժույթից։ Ծրագրի շահառուներ կարող են հանդիսանալ իրավաբանական անձիք և անհատ ձեռնարկատերերը։ Ֆինանսավորումն իրականացվում է ինչպես վարկի, այնպես էլ լիզինգի միջոցով։

Եվրոպական Ներդրումային Բանկի (ԵՆԲ) մասը կազմող ԵՆԲ Գլոբալը (EIB Global) համագործակցության պայմանագիր է ստորագրել հայկական Ինեկոբանկի հետ՝ ուղղակիորեն տրամադրելով բանկին 40 միլիոն եվրո ֆինանսավորում:

Ինեկոբանկին հատկացվող ֆինանսական այս փաթեթը կուղղվի Հայաստանում մանր, փոքր և միջին ձեռնարկությունների (ՄՓՄՁ) կայուն և երկարաժամկետ զարգացմանը, ինչպես նաև մրցունակության բարձրացմանը։ Հատուկ ուշադրություն է դարձվելու կին ձեռներեցներին աջակցությանը՝ նպաստելով ներառական տնտեսական աճին ու նորարարությանը:

Ինեկոբանկն իր բիզնես պրոդուկտներով և բիզնեսի զարգացմանն ուղղված ֆինանսավորման լուծումներով Mantashyants Global Expo 2024 ցուցահանդեսի մի մասն է և հրավիրում է բոլոր բիզնես ներկայացուցիչներին, գործընկերներին և բիզնես հետաքրքրություններ ու գաղափարներ ունեցողներին իր կանաչ գոտիներ։

Հոկտեմբերի 18-ին և 19-ին Մերիդիան էքսպո կենտրոնում գործարար համայնքի ներուժը, ձեռքբերումներն ու հեռանկարները մեկտեղող Mantashyants Global Expo 2024 միջոցառմանը Ինեկոբանկը ներկայացնում է ֆինանսավորման հարմարավետ գործիքակազմ, որը միտված է ապահովել բիզնեսների շարունակական զարգացումը։