Արժեթղթերի պահառություն

Պետական պարտատոմսերի պահառության շրջանակներում Ինեկոբանկն իր հաճախորդներին մատուցում է հետևյալ ծառայությունները՝

• Արժեթղթերի դեպո հաշիվների բացում և վարում;
• Դեպո հաշիվներով գործառնությունների իրականացում;
• Հաշվից քաղվածքների, կատարված գործառնությունների վերաբերյալ հաշվետվությունների, տեղեկանքների տրամադրում;
• Արժեկտրոնների և արժեթղթերի մարման գումարների հաշվեգրում Հաճախորդի հաշվին։

Բանկը պահառության ծառայություններ է մատուցում և Հաճախորդի անունով դեպո հաշիվ բացում՝ Հաճախորդի հետ կնքված պահառության պայմանագրի հիման վրա: Պայմանագիրը անժամկետ է:

Պահառության պայմանագրի կնքումը և դեպո հաշվի բացումը չի պահանջում պարտատոմսերի անմիջապես մուտքագրում դեպո հաշվի վրա: Արժեթղթերը պահառության հանձնելը չի հանգեցնում Բանկին արժեթղթերի սեփականության իրավունքի փոխանցման:

Պահառության պայմանագրի կնքման և դեպո հաշվի բացման համար անհրաժեշտ փաստաթղթեր՝

Ֆիզիկական անձի համար՝

• Հաշվի բացման հայտ
• Անձը հաստատող փաստաթղթի պատճեն
• ՀԾՀ-ն կամ ՀԾՀ չունենալու դեպքում՝ դրա բացակայությունը հավաստող տեղեկանքի պատճեն
• Բանկի ներքին ակտերով պահանջվող այլ փաստաթղթեր

Իրավաբանական անձանց համար՝

• Հաշվի բացման հայտ
• Պետական գրանցումը հավաստող փաստաթղթի (ներառյալ բոլոր ներդիրների) պատճենը
• ՀՎՀՀ-ն կամ համարժեք այլ համարը ներառող փաստաթղթի պատճենը
• Կանոնադրության պատճենը
• Առանց լիազորագրի Հաճախորդի անունից հանդես գալու իրավասություն ունեցող ֆիզիկական անձանց ցանկը և նրանց նշանակումը հավաստող փաստաթղթերի պատճեները
• Բանկի ներքին ակտերով պահանջվող այլ փաստաթղթեր