Դիմում հայտում անհրաժեշտ է նշել անձնական տվյալները և կրթության վերաբերյալ ինֆորմացիա՝ ԲՈՒՀ-ի անվանում, մասնագիտացում և ՄՈԳ: Ներկայացված բոլոր հայտերը դիտարկվում են և գնահատվում է թեկնածուների համապատասխանությունը ծրագրի պահանջներին:

Դիմումներն ընդունվում են մինչև 25/07/2026թ․

Համապատասխան թեկնածուները կմասնակցեն օնլայն թեստավորմանը։

Դիմում հայտում նշված էլ․ հասեցին դիմորդը կստանա թեստի մասնակցության հրավեր։ Թեստը չի պարունակում ֆինանսական հարցեր և կենտրոնացած է անգլերենի իմացության (B1+),ընդհանուր զարգացվածության և տրամաբանական մտածողության վրա: Թեստի տևողությունը 45 րոպե է։ Հնարավոր է մասնակցել ցանկացած վայրից՝ օգտագործելով սմաթֆոն, պլանշետ կամ համակարգիչ։ Հնարավոր 100 միավորից 60 և ավել միավոր ունեցող մասնակիցները կհրավիրվեն խմբային հարցազրույցի։ Յուրաքանչյուր հանդիպման ժամանակ հրավիրվում է 15-20 մասնակից, ովքեր միասին քննարկում են տրված սոցիալական թեման։ Այս փուլում գնահատվում են թիմային աշխատանքի, հաղորդակցման և առաջնորդման հմտությունները։ Հարցազրույցը տեղի է ունենում ինտերակտիվ ձևաչափով և տևում է մինչև 1.5 ժամ:

Վարձավճարի փոխհատուցման կամ արտերկրում կարճաժամկետ կրթության ֆինանսավորման պահանջներին համապատասխան թեկնածուները (մրցութային փուլերի կուտակային միավորը 80-100) մասնակցում են երկու շաբաթ տևողությամբ խմբային նախագծերի իրականացման: Խմբերը ձևավորվում են Բանկի փորձառու մենթորների ղեկավարությամբ և ներառում են

տարբեր համալսարանների ուսանողներ: Հաղթանակը գնահատվում է թիմային արդյունքով, ինչը խրախուսում է համագործակցությունը և փոխադարձ աջակցությունը:

ԲՈՒՀ-ի և Ինեկոբանկի ներկայացուցիչների կողմից ձևավորված հանձնաժողովը կընտրի հաղթողներին: Կկնքվեն համաձայնագրեր և կիրականացվեն համապատասխան ֆինանսավորումները։