2025-ին «Ինեկոբանկը քո կողքին» նախաձեռնության «Ինեկո Կամպուս․ Ապագան՝ կրթությամբ և գիտելիքով» նախաձեռնությունը դարձավ իրական հնարավորությունների հարթակ՝ միավորելով կրթությունը, աջակցությունն ու լավագույն փորձը։ Ծրագիրն այս տարի ունեցավ 4012 դիմորդ Հայաստանի առաջատար 14 ԲՈՒՀ-երից՝ ԵՊՀ, ՀՊՏՀ, ՀՖՀՀ, ՀԱՀ, ՀՌՀ, ՀԱՊՀ, Վ․ Բրյուսովի անվան պետական համալսարան, ՀՀ ՊԿԱ, ՃՇՀԱՀ, ՀՖԿՍՊԻ, ԵԹԿՊԻ, ՀԱԱՀ, ԵՊԲՀ, ՀԳՊԱ։

Ծրագրի արդյունքում 150 ուսանող ստացավ կրթաթոշակ, իսկ նախագծերի ներկայացման փուլում չհաղթած 20 մասնակիցներին Բանկի կողմից ևս շնորհեց անակնկալ կրթաթոշակներ, ինչի արդյունքում ընդհանուր թվով 170 ուսանող ստացավ միանվագ 300,000 ՀՀ դրամ կրթաթոշակ։

Միևնույն ժամանակ, 12 ուսանող ունեցավ ուսման վարձավճարի 100% փոխհատուցում, իսկ 22 ուսանող հնարավորություն ստացավ մասնակցելու արտերկրում կազմակերպվող կարճաժամկետ կրթության՝ Իսպանիայում, Իտալիայում, ԱՄՆ-ում, Կանադայում, Նիդերլանդներում, Մեծ Բրիտանիայում և այլ երկրներում։