«Ինեկոբանկը քո կողքին». Ապագան՝ ավելի մեծ հնարավորություններով։ 2023 թվականին ԿՍՊ նախաձեռնությունը մեկնարկել է որպես կրթության աջակցման և ֆինանսավորման ծրագիր՝ հետագայում ընդլայնվելով և ձևավորվելով որպես մի շարք կրթական ծրագրեր ներառող նախաձեռնություն:

14 ԲՈՒՀ-երից 5000-ից ավել ուսանողներ մասնակցել են Բանկում կազմակերպվող մրցութային փուլերին, արդյունքում նրանցից ընտրվել են 223 լավագույնները։ Մենթորների աջակցությամբ ուսանողներն իրականացրել են ծրագրեր, որոշները նույնիսկ ներդրվել են Բանկում։

223 հաղթողներից 170-ը ստացել են միանվագ 300,000 ՀՀ դրամ կրթաթոշակ, 25-ը ստացել են բակալավրի և մագիստրատուրայի կրթության 100% ֆինանսավորում, իսկ 28-ը՝ Ֆրանսիայում, Նիդերլանդներում, ԱՄՆ-ում, Կանադայում, Մեծ Բրիտանիայում, Իսպանիայում և այլ պետություններում ստացել են կարճաժամկետ կրթության հնարավորություն:

Բանկի ԿՍՊ ծրագրերը միտված են կրթության, զարգացման և նոր հնարավորությունների էկոհամակարգի ձևավորմանը՝ ամրապնդելով Հայաստանում մասնագիտական համայնքը և խթանելով երկրի երկարաժամկետ զարգացումն ու հզորացումը։