Հարգելի գործընկեր,

Սույնով տեղեկացնում ենք, որ Ինեկոբանկ» ՓԲԸ-ն, անցկացնում է աուդիտորական ծառայություն իրականացնող կազմակերպության ընտրության մրցույթ /այսուհետ՝ Մրցույթ/` համաձայն Բանկի անկախ աուդիտորական կազմակերպության ընտրության կարգում սահմանված պայմանների։

Մրցույթի հայտերն ընդունվում են «Ինեկոբանկ» ՓԲԸ ք.Երևան, Թումանյան 17 հասցեում՝ սկսած 2026թ. հունիսի 22-ից մինչև 2026թ. հուլիսի 22-ը ներառյալ, յուրաքանչյուր աշխատանքային օր ժամը 10.00-16.00:

Աուդիտորները մրցութային առաջարկությունները պետք է ներկայացնեն փակ, սոսնձված, կնքված և ստորագրված ծրարով:

Ծրարում ներկայացվում են աուդիտորական ծառայության տեխնիկական և ֆինանսական մասերին վերաբերող առաջարկությունները:

Մրցութային առաջարկների գնահատման ֆինանսական չափանիշը աուդիտորական ծառայության արժեքն է ՀՀ դրամով /բոլոր կիրառելի հարկերը և այլ ծախսերը ներառյալ/, իսկ տեխնիկական չափանիշները հետևյալն են`

աուդիտորական կազմակերպության՝ բանկում կամ ապահովագրական կազմակերպությունում աուդիտի իրականացման փորձը
աուդիտորական կազմակերպության պատասխանատու աուդիտորի աշխատանքային փորձը, մասնագիտացված կառույցին անդամակցության առկայությունը, մասնագիտացված կառույցի կողմից տրված որակավորման առկայությունը և միջազգային հաշվապահական կամ աուդիտորական որակավորման առկայությունը
աուդիտորական խմբում ներգրավված աշխատակիցների աշխատանքային փորձը, մասնագիտացված կառույցին անդամակցության առկայությունը, մասնագիտացված կառույցի կողմից տրված որակավորման առկայությունը կամ միջազգային հաշվապահական կամ աուդիտորական որակավորման առկայությունը
աուդիտորական ստուգման իրականացման մեթոդները
աուդիտի անցկացման և աուդիտորական եզրակացության ներկայացման ժամկետները
աուդիտի ընդգրկման բնագավառները:

Մրցույթին մասնակցել ցանկացողները պետք է ներկայացնեն նաև իրենց ընկերության կանոնադրությունը, աուդիտորական գործունեություն իրականացնելու թույլտվությունը, օրենքով սահմանված կարգով հաստատված վերջին ֆինանսական հաշվետվությունը:

Աուդիտորական աշխատանքները պետք է ներառեն`

ֆինանսական հաշվետվություններում արտացոլված տեղեկատվության ու բացահայտումների հիմքերի հետազոտումը,
ֆինանսական հաշվետվությունների կազմման ժամանակ կիրառված հաշվապահական հաշվառման սկզբունքների, բանկի ղեկավարության կողմից կատարված էական գնահատումների և ֆինանսական հաշվետվությունների ներկայացման գնահատումը,
աուդիտորական եզրակացության և աուդիտորական հաշվետվության (նամակ բանկի ղեկավարությանը) կազմումը:

Աուդիտորների կողմից վերոնշյալ մրցութային առաջարկները պետք է ներկայացվեն 2026-2028 թվականների համար։

Աուդիտի ընդգրկման բնագավառներն են` Բանկի հաշվապահական հաշվեկշիռը, հաշվետու ժամանակաշրջանի ֆինանսական արդյունքները, սեփական կապիտալում փոփոխությունների, դրամական միջոցների հոսքերի մասին հաշվետվությունները և ֆինանսական հաշվետվություններին կից ծանոթագրությունները:

Աուդիտի իրականացման և աուդիտորական եզրակացության ներկայացման ժամկետը՝ մինչև յուրաքանչյուր հաշվետու տարվան հաջորդող տարվա մարտի 31-ը:

Բանկի ղեկավարությանն ուղղված նամակի ներկայացման ժամկետը 5 /հինգ/ աշխատանքային օր է` հաշվված աուդիտորական եզրակացության ներկայացման օրվանից:

Աուդիտը պետք է իրականացվի ՀՀ նորմատիվ իրավական ակտերով սահմանված Աուդիտի ստանդարտներին, հաշվապահների միջազգային ֆեդերացիայի կողմից հրատարակված աուդիտի միջազգային ստանդարտներին համապատասխան:

Մրցույթի արդյունքները կամփոփվեն մինչև 2026թ. հուլիսի 30-ը: Բանկի խորհուրդը պետք է գնահատի, ամփոփի աուդիտորական կազմակերպությունների առաջարկությունները, ինչպես նաև հաստատի աուդիտի իրականացման արժեքը և դրանք ներկայացնի Բանկի բաժնետերերի ընդհանուր ժողովի հաստատմանը:

Բաժնետերերի ժողովի կողմից մրցույթի արդյունքներն ամփոփելու և մրցույթում հաղթողին ճանաչելու մասին որոշումն ուժի մեջ է մտնում ընդունման պահից: Որոշման ընդունման օրվանից մեկ ամսվա ընթացքում Բանկը և մրցույթի հաղթող ճանաչված մասնակիցը կնքում են աուդիտի ծառայություններ մատուցելու մասին պայմանագիր:

Մրցույթում հաղթող է ճանաչվում ամենաբարձր միավորներ հավաքած աուդիտորական կազմակերպությունը:

Մրցույթին մասնակցող աուդիտորական ընկերություններից լավագույն գնառաջարկ կամ այլ էական պայմաններ ստանալու համար կարող են անցկացվել նաև Մրցույթի հաջորդական լրացուցիչ փուլ/եր/։

Մրցույթի մնացած պայմանները, աուդիտի ընտրության չափանիշները, աուդիտի ընտրության բնագավառները և այլ մանրամասներ սահմանված են «Ինեկոբանկ» ՓԲԸ կողմից անկախ աուդիտորական կազմակերպությունների ընտրության կարգով, որին կարող եք ծանոթանալ www.inecobank.am կայքում կամ դրա պատճենը ստանալու համար դիմել «Ինեկոբանկ» ՓԲԸ Գլխամասային գրասենյակ /ք.Երևան, Թումանյան 17/ հեռ․010 510510, ինչպես նաև ՀՀ ԿԲ խորհրդի 2022թ-ի 174-ն որոշմամբ հաստատված Կանոնակարգ 22-ով։

Քարտեզ