Ջուր

Ջուրը հանդիսանում է կարևոր սնուցիչ և առողջության հիմնական բաղադրիչ մարդու համար։ Այն զրոյական կալորիականությամբ կատարյալ ըմպելիք է ծարավը հագեցնելու և օրգանիզմում ջրի քանակը վերականգնելու համար:
 

Ջուրն օգնում է վերականգնել նյութափոխանակության, շնչառության, քրտնարտադրության միջոցով կորցրած հեղուկը: Այն օգնում է զերծ մնալ գերտաքացումից, ապահովում է հոդերի ճկունությունն ու հյուսվածքների բնական շարժը, պահպանում է առողջ մաշկը և անհրաժեշտ է պատշաճ մարսողության համար:

Ջրազրկման կանխարգելում 

Արդյո՞ք ծարավի զգացողությունը բավարար է ջրազրկման կանխարգելման համար։

Առողջ մարմինը ծարավի ազդակներ է ուղարկում, երբ մարմնում սպառվում է հեղուկի պաշարը: Ծարավը խմելու ցանկությունն է և պայմանավորված է ոչ միայն ֆիզիոլոգիական, այլև վարքագծային նշաններով:

Վարքագծային ազդակի օրինակ է ջրի ջերմաստիճանը. հետազոտությունները ցույց են տալիս, որ մարդիկ հակված են ամենաշատը ջուր խմել, երբ այն մատուցվում է սենյակային ջերմաստիճանում, չնայած որ ավելի զով ըմպելիքները գնահատվում են որպես առավել հաճելի համ ունեցող: 

Նույնիսկ թեթև ջրազրկումը կարող է բացասական ախտանիշեր առաջացնել: Օրինակ՝ 500 մլ ջրի շիշը օրական լցրեք չորս անգամ և քիչ-քիչ խմեք օրվա ընթացքում:

Ջրազրկման ախտանիշեր, որոնք կարող են առաջանալ նույնիսկ 2% ջրի պակասի դեպքում

• Հոգնածություն

• Շփոթվածություն կամ հիշողության կարճատև կորուստ

• Տրամադրության փոփոխություն, ինչպիսիք են ինտենսիվ դյուրագրգիռ վիճակը կամ դեպրեսիան

Աղբյուրը՝ https://www.hsph.harvard.edu/nutritionsource/water/