Զորակոչված` ներառյալ կամավորական հիմքերով, ինչպես նաև` պայմանագրային ու ժամկետային ծառայության մեջ գտնվող հաճախորդների համար


1․ Ֆիզիկական անձանց գործող  վարկերի մարումներ 

• Եթե գործող սպառողական (առանց ապահովության) վարկերի վճարումների հետ կապված կլինեն դժվարություններ, ապա ծառայության մեկնելիս բանկի ցանկացած մասնաճյուղում կամ օնլայն համակարգով հնարավոր է ներկայացնել զինկոմիսարիատի/համապատասխան պետական մարմնի կողմից տրված տեղեկանքը*, որի հիման վրա բանկը` առնվազն 1 ամիս ժամկետով, կտրամադրի վարկի մարման հետաձգման հնարավորություն՝ ավտոմատ երկարացնելով պայմանագրի ավարտը համապատասխան ժամկետով։ Քարտային վարկային գծերի դեպքում հոկտեմբեր ամսվա վճարումը կհետաձգվի հաջորդ ամիս: 

• Եթե արդեն մեկնել եք ծառայության և չեք հասցրել դիմել բանկին, ապա վերադառնալուն պես կարող եք դիմել կուտակված տույժերն ու տուգանքները չեղարկելու և վարկային պատմության ուղղում կատարելու համար։ Դիտարկման համար անհրաժեշտ է ներկայացնել զինկոմիսարիատի կամ համապատասխան պետական մարմնի կողմից տրված տեղեկանքը։ Վերոնշյալը վերաբերում է բոլոր վարկատեսակների։

• Ս.թ. սեպտեմբերի 27-ից հետո զորակոչված՝ ներառյալ կամավորական հիմքերով, ինչպես նաև՝ պայմանագրային ու ժամկետային ծառայության մեջ գտնվող անձանց բացակայությամբ պայմանավորված՝ իրենց ընտանիքի անդամների վարկերի մարման դժվարություններ ի հայտ գալու դեպքում, Բանկը պատրաստակամ է կատարել գործող վարկերի մարման ժամանակացույցերի փոփոխություններ՝ հաճախորդների ֆինանսական ժամանակավոր դժվարություններին համահունչ: Հաճախորդները կարող են դիմել բանկի մասնաճյուղեր։

2. Հաշիվների և բանկում առկա դրամական միջոցների տնօրինում

Կապի միջոցների անվտանգ օգտագործման հնարավորության դեպքում ծառայության ընթացքում Ձեր հաշիվների կառավարման համար կարող եք կիրառել ԻնեկոՕնլայն և ԻնեկոՄոբայլ համակարգերը՝ մեկնելուց առաջ հավաստիանալով, որ տիրապետում եք Ձեր մուտքային/կոնտակտային տվյալներին, իսկ եթե դեռևս չեք օգտվում օնլայն բանկինգից, խորհուրդ ենք տալիս մինչև ծառայության մեկնելը ակտիվացնել ծառայությունը (տրամադրվում է անվճար):

Ինտերնետի հասանելիության սահմանափակման դեպքում խորհուրդ ենք տալիս․

• Հեռախոսազանգով տեղեկությունների ստացման և գործարքների կատարման  համար Ձեզ մոտ պահել հաշվի գաղտնաբառը (նշված է բանկային հաշվի բացման պայմանագրում, քարտի PIN կոդը չէ): Եթե չեք հիշում, կարող եք ճշտել՝ այցելելով Բանկի մասնաճյուղեր՝ անձը հաստատող փաստաթղթով:
• Ձեր բանկային հաշիվների հասանելիությունը ապահովելու համար մինչև ծառայության մեկնելը Ձեր ընտանիքի անդամին տրամադրել լիազորագիր, ինչի  համար անհրաժեշտ է լիազորված անձի հետ միասին մոտենալ բանկի ցանկացած մասնաճյուղ՝ լիազորող և լիազորվող անձանց անձը հաստատող փաստաթղթերով։
• Ձեր քարտի առկա միջոցները ընտանիքի անդամի կողմից անարգել օգտագործելու նպատակով ներկայացնել դիմում վերջինիս Ձեր քարտին կից քարտ տրամադրելու համար, որը բանկը կտրամադրի անվճար։

Եթե արդեն մեկնել եք ծառայության և նշված եղանակներով հնարավոր չէ կատարել անհրաժետ գործողությունը, ապա դեպքը բանկի կողմից կդիտարկվի առանձին՝ հնարավոր լուծում գտնելու համար։

 

Իրավաբանական անձանց համար

• Ձեր ընկերության հաշվի հասանելիության և բանկային սպասարկման անընդհատությունը ապահովելու համար հորդորում ենք համալրել Ձեր ստորագրության նմուշում ներառված անձանց ցանկը՝ այցելելով բանկի Ձեզ սպասարկող մասնաճյուղ, զորակոչված անձանց փոխարինելիութունը ապահովելու համար։

• Այն բիզնես հաճախորդներին, ովքեր տուժել են այս իրավիճակում, բանակցությունների միջոցով կառաջարկվեն լուծումներ` նպատակ ունենալով աջակցել այդ ոլորտներում կայունությանը և աշխատատեղերի պահպանմանը:

     
Լրացուցիչ պարզաբանումներ

• Մինչև ս.թ. սեպտեմբերի 27-ը արդեն ժամկետացում ունեցող և սեպտեմբերի 27-ից հետո զորակոչված հաճախորդների դիմումները դիտարկվելու են անհատական կարգով։

   համապատասխան։

• Պայմանագրային և ժամկետային ծառայության մեջ գտնվողները անկախ ծառայության վայրից կարող են դիմել  կուտակված տույժերն ու տուգանքները չեղարկելու և վարկային պատմության ուղղում կատարելու համար։
• Վերոնշյալ դեպքերում վարկի վճարման արտոնյալ պայմանների սահմանման համար դիմումի ներկայացման անհնարինության դեպքում կարող են դիմել նաև ընտանիքի անդամները՝ համապատասխան փաստաթղթերի ներկայացման դեպքում։