Ներդրումային վարկ

Լողացող տոկոսադրույքը հավասար է հղման տոկոսադրույքի և ֆիքսված կոմպոնենտի գումարին։

Հղման տոկոսադրույքը`

Հիմնական ցուցանիշ

• ՀՀ դրամով տրամադրվող վարկի համար 6 ամիս ժամկետայնությամբ ՀՀ պետական արժեկտրոնային պարտատոմսերի մինչև մարում եկամտաբերության կորի վերջին 6 ամսվա միջին ցուցանիշը կլորացնելով ստորակետից հետո մինչև 1 /մեկ/ թվանշանի ճշգրտությամբ։ Հրապարակվում է ՀՀ ԿԲ-ի կողմից՝ www.cba.am ինտերնետային կայքում։
• ԱՄՆ դոլարով տրամադրվող վարկի համար օրական SOFR-ի տոկոսադրույքի վերջին 6 ամսվա միջին ցուցանիշը կլորացնելով ստորակետից հետո մինչև 1 /մեկ/ թվանշանի ճշգրտությամբ։ SOFR տոկոսադրույքը որոշվում է Նյու Յորքի Դաշնային Պահուստային Բանկի (Federal Reserve Bank of New York) կողմից հրապարակված տվյալների հիման վրա, որոնք կարող են հասանելի լինել https://www.newyorkfed.org/markets/reference-rates/sofr ինտերնետային կայքում։
• Եվրոյով տրամադրվող վարկի համար՝ Եվրոգոտու կենտրոնական կառավարությունների` 6 ամիս ժամկետայնությամբ բոլոր պարտատոմսերի եկամտաբերության կորի վերջին 6 ամսվա միջին ցուցանիշը կլորացնելով ստորակետից հետո մինչև 1 /մեկ/ թվանշանի ճշգրտությամբ։ Հրապարակվում է Եվրոպական Կենտրոնական Բանկի կողմից` https://www.ecb.europa.eu/stats/financial_markets_and_interest_rates/euro_area_yield_curves/html/index.en.html ինտերնետային կայքում։

Երկրորդային ցուցանիշ

• ՀՀ դրամով տրամադրվող վարկի համար ՀՀ ԿԲ կողմից սահմանվող միջբանկային ռեպո դրույքը: Հրապարակվում է ՀՀ ԿԲ-ի կողմից՝ https://www.cba.am ինտերնետային կայքում:
• ԱՄՆ դոլարով տրամադրվող վարկի համար Բանկի որոշմամբ հետևյալ ցուցանիշներից որևէ մեկը՝

o Նյու Յորքի Դաշնային Պահուստային Բանկի (Federal Reserve Bank of New York) կողմից սահմանվող EFFR (Effective Federal Funds Rate) ցուցանիշը, որը հրապարակվում է https://www.newyorkfed.org/markets/reference-rates/effr ինտերնետային կայքում։
o ԱՄՆ Դաշնային Պահուստային Բանկի (ԱՄՆ կենտրոնական բանկ) կողմից սահմանված վերաֆինանսավորման տոկոսադրույքը, իսկ այն միջակայքով տրված լինելու դեպքում՝ միջակայքի վերին շեմը, որը հրապարակվում է http://www.federalreserve.gov/fomc/fundsrate.htm ինտերնետային կայքում։

• Եվրոյով տրամադրվող վարկի համար երկրորդային ցուցանիշների կիրառման դեպքում Բանկն իրավունք ունի երկրորդային ցուցանիշների անցման պահին իր հայեցողությամբ ընտրելու երկրորդային ցուցանիշները։

Ֆիքսված կոմպոնենտը`

Որոշվում է սահմանված չփոփոխվող տոկոսադրույքից նվազեցնելով վարկի տրամադրման որոշման կայացման օրվա դրությամբ գործող 6 ամիս ժամկետայնությամբ ՀՀ պետական արժեկտրոնային պարտատոմսերի մինչև մարում եկամտաբերության կորի ցուցանիշը ՀՀ դրամով վարկի դեպքում, ԱՄՆ դոլարով վարկի դեպքում՝ 6 ամսական ԱՄՆ դոլարով ՍՈՖՌ-ի դրույքի մեծությունը, իսկ Եվրոյով վարկի դեպքում՝ Եվրոգոտու կենտրոնական կառավարությունների՝ 6 ամիս ժամկետայնությամբ բոլոր պարտատոմսերի եկամտաբերության կորի ցուցանիշը:

ՈՒՇԱԴՐՈՒԹՅՈՒՆ՝ ՎԱՐԿԱՏՈՒՆ ԻՐԱՎՈՒՆՔ ՈՒՆԻ ՄԻԱԿՈՂՄԱՆԻՈՐԵՆ ՓՈՓՈԽԵԼ ՖԻՔՍՎԱԾ ԿՈՄՊՈՆԵՆՏԸ, ԵԹԵ ԹՈՒՅԼ ԵՆ ՏՐՎԵԼ ՎԱՐԿԱՅԻՆ, ԳՐԱՎԻ, ԵՐԱՇԽԱՎՈՐՈՒԹՅԱՆ և ԿԱՄ ԱՅԼ ՊԱՅՄԱՆԱԳՐԵՐՈՎ ԲԱՆԿԻ ՀԱՆԴԵՊ ՍՏԱՆՁՆԱԾ ՊԱՐՏԱՎՈՐՈՒԹՅՈՒՆՆԵՐԻ ԽԱԽՏՈՒՄՆԵՐ, ԻՆՉՊԵՍ ՆԱԵՎ ՍՈՒՅՆ ՍԱԿԱԳՆՈՎ ՍԱՀՄԱՆՎԱԾ ԱՅԼ ԴԵՊՔԵՐՈՒՄ:

Տոկոսադրույքի վերանայում՝

Տոկոսադրույքը պարտադիր ենթակա է վերանայման, եթե տվյալ ժամանակահատվածի համար հաշվարկված Հղման տոկոսադրույքի և գործող Հղման տոկոսադրույքի տարբերությունը կազմում է 0,5 տոկոսային կետ և ավել: Բանկը տոկոսադրույքների փոփոխության նշված պարտավորությունն ունի և՛ դրական, և՛ բացասական շեղման դեպքում: Հղման տոկոսադրույքի մինչև 0,5 տոկոսային կետ փոփոխության դեպքում վարկիտոկոսադրույքը չի վերանայվում։

Լողացող տոկոսադրույքը Բանկի կողմից վերանայվում է տարին 2 անգամ՝ փետրվար 15-ին և օգոստոս 15-ին։ Նշված օրերը ոչ աշխատանքային օր լինելու դեպքում՝ հաջորդող աշխատանքային օրը՝ հիմք վերցնելով լողացող տոկոսադրույքի հաշվարկման հիմքում ընկած վերոնշյալ ցուցանիշների վերջին 6 ամսվա միջին ցուցանիշը: Վերանայվելու դեպքում նոր տոկոսադրույքը ուժի մեջ է մտնում վերանայման ամսվան հաջորդող ամսվա 1-ից:

Լողացող տոկոսադրույքների դեպքում անվանական տոկոսադրույքի բարձրացման և իջեցման առավելագույն շեմը սահմանվում է +3/-1 տոկոսային կետ: Հիմնական կամ երկրորդային ցուցանիշը բացասական թիվ /զրոյից ցածր/ լինելու դեպքում ցուցանիշը համարվում է 0 /զրո/։