Միասին Ինեկոբանկում

Կախված սկսնակ մասնագետի մասնագիտական ոլորտից, մենք մշակում ենք ապագա մասնագիտացմանը համապատասխան անհատական վերապատրաստման ծրագիր։

Վերապատրաստման երկու ամսվա ընթացքում սկսնակ մասնագետը այցելում է բանկի տարբեր ստորաբաժանումներ, մասնաճյուղեր։ Ծանոթանում է բանկի աշխատելաոճին, ստանում է իր աշխատանքի համար անհրաժեշտ բոլոր հիմնական գիտելիքները, մասնակցում է Ինեկոլաբում օնլայն անցկացվող դասընթացների շարքին։ Այսպիսով նա ստանում է հնարավորություն վերապատրաստվել ոչ միայն ինքնուսուցման միջոցով, այլև ձեռք բերել փորձ՝ աշխատելով բանկի առաջատար մասնագետների հետ։

Սկսնակ մասնագետի վերապատրաստման ամբողջ ընթացքը գտնվում է բանկի համապատասխան ստորաբաժանումների վերահսկողության ներքո՝ ապահովելով վերապատրաստման անխափան ընթացքն ու որակյալ արդյունքը։

Վերապատրաստման ընթացքում սկսնակ մասնագետն անցնում է հմտությունների և մասնագիտական գիտելիքների ստուգում, որի նպատակն է մինչև վերապատրաստման ավարտը հղկել և ամփոփել արդեն իսկ ձեռք բերված հմտություններն ու գիտելիքը։

Այս փուլում սկսնակ մասնագետն անցնում է ամփոփիչ թեստավորում և հարցազրույց, որի դրական արդյունքների դեպքում նա կարող է համարվել «Ինեկոբանկ» ՓԲԸ վերապատրաստված մասնագետ և արդեն կարող է աշխատել ինքնուրույն։