Դեբետային քարտեր Ձեր բիզնեսի համար

Բիզնես դրամական միջոցների արդյունավետ և անվտանգ տնօրինման նպատակով Ինեկոբանկն առաջարկում է իր կորպորատիվ հաճախորդներին ձեռք բերել Visa Business կամ MasterCard Business դեբետային քարտեր։

Պատվիրել քարտ

Քարտի Մասին Սակագներ եվ պայմաններ Լրացուցիչ Փաստաթղթեր

Քարտային հաշվի արժույթ

֏ $ € ₽

Քարտի գործողության ժամկետ

5 տարի

Քարտի թողարկում

անվճար

Քարտային հաշվի սպասարկման վճար

1 500 ՀՀ դրամ ամսական

Կցված քարտերի հնարավորություն և սպասարկման ամսական վճարներ

MasterCard Business / Visa Business Debit քարտ - քարտային հաշվի սպասարկման վճար 500 ՀՀ դրամ

Կորցրած կամ վնասված քարտի վերաթողարկում

5 000 ՀՀ դրամ

Կանխիկացում

0.25%

Կանխիկացում Ինեկոբանկի բանկոմատներից

1%,

սակայն ոչ պակաս քան 1,500 ՀՀ դրամ

Կանխիկացում Arca անդամ հանդիսացող այլ բանկերից

2%,

սակայն ոչ պակաս քան 1,500 ՀՀ դրամ

Կանխիկացում Arca անդամ չհանդիսացող այլ բանկերից

Առանց քարտի կիրառման կանխիկի տրամադրում Ինեկոբանկի դրամարկղերում

ՀՀ դրամ՝ 0․25%
ԱՄՆ դոլար՝ 1%, բայց ոչ պակաս քան 2 000 ՀՀ դրամ
Եվրո՝ 1%, բայց ոչ պակաս քան 2 000 ՀՀ դրամ
ՌԴ ռուբլի՝ 0.5%, բայց ոչ պակաս քան 2 000 ՀՀ դրամ

Քարտից քարտ փոխանցում,Քարտային հաշվից նույն հաճախորդի այլ բանկային հաշիվներին փոխանցում (միայն ԻնեկոՕնլայն/ԻնեկոՄոբայլ համակարգերով)

0.25%

Կանխիկացման կետերում կանխիկացման գործարքների օրական առավելագույն սահմանաչափ

2 000 000 ֏

5 000 $/€

250 000 ₽

Կատարված գործարքի վերաբերյալ SMS հաղորդագրության ուղարկում

անվճար

* Հաճախորդի կողմից այլ հանձնարարական չլինելու դեպքում SMS հաղորդագրությունները ուղարկվում են 1,000 ՀՀ դրամ/ 2 ԱՄՆ դոլար/ 2Եվրո/125 ռուբլի գումարը գերազանցող գործարքների համար:

Օդանավակայանների բարձրակարգ սպասարկման սրահներում MasterCard Business, Visa Business քարտատեսակներին կցված Priority Pass քարտի օգտագործման դեպքում յուրաքանչյուր այցելուի 1 այցի համար գանձվող սակագին

16 000 ՀՀ դրամ

Visa business քարտի հատուկ առաջարկ

15% զեղչ բոլոր ծառայությունների համար Impact Hub Yerevan-ում Visa Business քարտերով։ Առաջարկը չի համադրվում այլ զեղչերի հետ և գործում է մինչև 31․12․2026։
Օգտվեք Globbing-ում արտոնյալ սակագներից միջազգային առաքումների համար, ստացեք ծանրոցի անվճար առաքում ընտրված հասցեով, 50% զեղչ «Գնիր իմ փոխարեն» ծառայության համար և անհատական օգնականի աջակցություն՝ լոգիստիկայի, առաքումների և ընթացիկ այլ հարցերի դեպքում։ Առաջարկը գործում է մինչև 31․12․2026թ․։

Քարտային հաշվի վաղաժամկետ փակում

Քարտային հաշիվը բացելուց 365 օրվա ընթացքում 2 000 ՀՀ դրամ
Քարտային հաշիվը բացելուց 366 և ավելի օրվա ընթացքում՝ անվճար

Այլ պայմաններ

Քարտով անկանխիկ գործարքների իրականացումն անվճար է: Մեկ անկանխիկ գործարքի համար առավելագույն սահմանաչափ, ինչպես նաև անկանխիկ գործարքների օրական առավելագույն սահմանաչափ և քանակ չի սահմանվում:
Կանխիկացման կետերում կանխիկացման գործարքների օրական առավելագույն քանակը 10 գործարք է:
Հաճախորդի դիմումի համաձայն պայմանագրի գործողության ամբողջ ժամանակահատվածի համար կանխիկացման սահմանաչափի բարձրացման* դեպքում Visa Business/MasterCard Business դեբետային քարտերի համար կիրառվում է 30,000 ՀՀ դրամ, իսկ Visa Business/MasterCard Business վարկային քարտերի համար 10,000 ՀՀ դրամ սակագին:

* Դեբետային քարտերի համար կանխիկացման օրական սահմանաչափը կարող է բարձրացվել միայն Բանկի համաձայնությամբ:

Քարտը տրամադրվում է առավելագույնը 3 աշխատանքային օրվա ընթացքում, իսկ մարզերում գտնվող Բանկի մասնաճյուղերի համար նշված ժամկետին գումարվում է նաև քարտի տեղափոխման ժամանակը: Քարտի շտապ պատվիրման դեպքում լրացուցիչ գանձվում է 3,000 ՀՀ դրամ սակագին: Շտապ պատվիրման դեպքում քարտը տրամադրվում է 1 բանկային օրվա ընթացքում միայն Բանկի Կոմիտաս 2 մասնաճյուղում, իսկ Բանկի այլ մասնաճյուղերում նշված ժամկետին գումարվում է նաև քարտի տեղափոխման ժամանակը:
Կորցրած կամ վնասված քարտի վերաթողարկման դիմում ներկայացնելու դեպքում գանձվում է 5,000 ՀՀ դրամ միանվագ սակագին:
Նոր PIN կոդի տրամադրման համար միջնորդավճար չի գանձվում։
Սույն փաստաթղթով սահմանված վճարային քարտերով կատարված գործարքների վերաբերյալ SMS հաղորդագրությունների ուղարկման ծառայությունը ակտիվանում է քարտի պատվիրման պահին հաճախորդի համապատասխան հանձնարարականի հիման վրա։ Հաճախորդը կարող է նաև ընտրել գումարի չափը, որը գերազանցող գործարքների վերաբերյալ ցանկանում է ստանալ SMS հաղորդագրություն։ Վճարային քարտով կատարված գործարքների վերաբերյալ SMS հաղորդագրությունների ուղարկման ծառայության ակտիվացում/ապաակտիվացում, ինչպես նաև վերոնշյալ գործարքի գումարի չափի փոփոխություն կարող է իրականացվել քարտի գործողության ժամկետի ընթացքում հաճախորդի կողմից Բանկի տարածքում/ԻնեկոՕնլայն համակարգում ներկայացված համապատասխան դիմում-հայտի հիման վրա։
ՀՀ տարածքից դուրս գործող բանկերի բանկոմատների կամ POS տերմինալների միջոցով գործարքներ կատարելիս քարտի առգրավման դեպքում գանձվում է նվազագույնը 10,000 ՀՀ դրամ կամ համարժեք արտարժույթ` կախված վճարային համակարգի պահանջից:
Այն միջնորդավճարները, որոնք ենթակա են ԱԱՀ-ով հարկման, ներառում են նաև ԱԱՀ-ն:
Նախորդ ամսվա հաշվետու ժամանակաշրջանի վերջին օրվա դրությամբ /այսուհետ՝ Հաշվետու ժամանակաշրջան/ հաճախորդի պարտավորությունների և մարման ենթակա գումարների վերաբերյալ տեղեկատվությունն ամփոփվում է քաղվածքներում, որը իրականացվում է «Բանկային ծառայությունների սակագներ Բիզնես հաճախորդների համար» փաստաթղթի համաձայն (այսուհետ` Քաղվածք): Յուրաքանչյուր ամսվա 1-ից ձևավորվում է նախորդ ամսվա ժամանակաշրջանում առաջացած մարման ենթակա գումարների վերաբերյալ տեղեկատվություն, որը արտացոլվում է Քաղվածքում: Ընդ որում, հաճախորդը պարտավորվում է ձեռնարկել բոլոր անհրաժեշտ միջոցներն, ուղղված Քաղվածքները ստանալուն, այդ թվում նաև, բայց չսահմանափակվելով՝ մասնաճյուղ այցելելու և քաղվածքը ստանալու միջոցով, իսկ Բանկը պարտավոր չէ էլեկտրոնային հաղորդակցության կամ որևէ այլ կապի միջոցներով (այդ թվում՝ փոստային եղանակով) Քաղվածքը ուղարկել Վարկառուին:

Այլ դրույթներ

ԲԱՆԿԻ ՀԵՏ ՀԱՂՈՐԴԱԿՑՄԱՆ ԵՂԱՆԱԿ

ԴՈՒՔ ԻՐԱՎՈՒՆՔ ՈՒՆԵՔ ՀԱՂՈՐԴԱԿՑՎԵԼ ԻՆԵԿՈԲԱՆԿ ՓԲԸ ՀԵՏ ՁԵՐ ՆԱԽԸՆՏՐԱԾ ԵՂԱՆԱԿՈՎ՝ ՓՈՍՏԱՅԻՆ ԿԱՊԻ ՄԻՋՈՑՈՎ ԿԱՄ ԷԼԵԿՏՐՈՆԱՅԻՆ ԵՂԱՆԱԿՈՎ: ԷԼԵԿՏՐՈՆԱՅԻՆ ԵՂԱՆԱԿՈՎ ՏԵՂԵԿԱՏՎՈՒԹՅԱՆ ՍՏԱՑՈՒՄԸ ԱՄԵՆԱՀԱՐՄԱՐԱՎԵՏՆ Է: ԱՅՆ ՀԱՍԱՆԵԼԻ Է 24/7 ՌԵԺԻՄՈՎ, ԶԵՐԾ Է ԹՂԹԱՅԻՆ ՏԵՂԵԿԱՏՎՈՒԹՅԱՆ ԿՈՐՍՏԻ ՌԻՍԿԵՐԻՑ ԵՎ ԱՊԱՀՈՎՈՒՄ Է ԳԱՂՏՆԻՈՒԹՅՈՒՆ:
«Փողերի լվացման և ահաբեկչության ֆինանսավորման դեմ պայքարի մասին» ՀՀ օրենքով սահմանված հաճախորդի պատշաճ ուսումնասիրության նպատակով Բանկը կարող է Հաճախորդից «Ճանաչիր քո հաճախորդին» («Know your customer») սկզբունքի հիման վրա պահանջել լրացուցիչ փաստաթղթեր կամ այլ տեղեկություններ, ինչպես նաև բանավոր հաղորդակցման ընթացքում լրացուցիչ հարցեր տալ սպառողին (նման պահանջի:

Բանկային ծառայությունների մատուցումը հեռակառավարման համակարգերի միջոցով

Բանկն առաջարկում է InecoOnline/InecoMobile և այլ Համակարգեր` ինտերնետով, հեռախոսազանգի կամ SMS հաղորդագրության և կապի այլ միջոցներով բանկային ծառայություններից օգտվելու, ինչպես նաև տեղեկություններ ստանալու հնարավորություն` առանց Բանկ այցելելու: Համակարգերը ժամանակակից և հարմարավետ գործիքներ են, որոնք հնարավորություն են ընձեռում դիտել Հաշիվներով կատարվող գործառնությունները, ներկայացնել վճարման հանձնարարականներ, ստանալ տեղեկություններ, կատարել արտարժույթի փոխանակում, վճարումներ, ներկայացնել և ստանալ (ակցեպտավորել) դիմումներ, հայտեր, առաջարկներ (օֆերտաներ), կնքել պայմանագրեր և այլ գործարքներ, ինչպես նաև իրականացնել տվյալ Համակարգում Բանկի կողմից մատչելի դարձված ֆինանսական և այլ գործառնություններ: Համակարգերի տեսակները, դրանց օգտագործման պայմանները և կանոնները հրապարակվում են Կայքում կամ համապատասխան Համակարգից օգտվելու համար սահմանված այլ կայքերում, ծրագրային ապահովման միջոցներում և բջջային հավելվածներում և կարող են ժամանակ առ ժամանակ փոփոխվել:
Համակարգերը հասանելի են Բանկում համապատասխան հաշիվներ ունեցող Հաճախորդների համար: Հաճախորդին համապատասխան Համակարգից օգտվելու սարքի, օգտագործողի անվան, գաղտնաբառի, ինչպես նաև Հաճախորդին համակարգից օգտվելու հնարավորություն այլ կերպ ընձեռելը նշանակում է, որ Հաճախորդի և Բանկի միջև կնքվել է Համակարգի տրամադրման պայմանագիր` Հիմնական պայմաններին համապատասխան: Համակարգի տրամադրման պայմանագրի անբաժանելի մասն են Հիմնական պայմանները, Սակագները, համապատասխան Համակարգի օգտագործման ուղեցույցները, Բանկի ինտերնետային կայքերի, բջջային հավելվածների և այլ ծրագրային ապահովման օգտագործման կանոնները և պայմանները, ինչպես նաև Հաճախորդի և Բանկի հարաբերությունները կարգավորող այլ փաստաթղթերը:
Կողմերն ընդունում են, որ Համակարգ մուտք գործելու համար անհրաժեշտ օգտագործողի անվանման, գաղտնաբառերի, կամ այլ հաղորդագրությունների մուտքագրմամբ Բանկն իրականացնում է Հաճախորդի անհրաժեշտ և բավարար նույնականացում, ինչը հիմք է Համակարգերի միջոցով Հաճախորդին բանկային ծառայություններ մատուցելու համար:
Կողմերն ընդունում են, որ Հաճախորդին նույնականացնելուց հետո Համակարգ մուտք գործելու համար Հաճախորդի կողմից օգտագործվող գաղտնաբառն ունի թղթային կրիչի վրա դրված բնօրինակ ստորագրությանը համարժեք իրավաբանական ուժ: Հաճախորդի կողմից Համակարգ մուտք գործելուց հետո Համակարգի միջոցով Բանկ ներկայացվող բոլոր հայտերը, դիմումները, պայմանագրերն ու այլ էլեկտրոնային փաստաթղթերը համարվում են ստորագրված Հաճախորդի կողմից: InecoOnline Համակարգի միջոցով տեղեկատվություն փոխանակելը հավասարազոր է Բանկի տարածքում առձեռն փոխանակելուն:
Հաճախորդը պարտավոր է խստիվ պահպանել Համակարգ մուտք գործելու գաղտնաբառի և այլ նույնականացնող տվյալների գաղտնիությունը և անհրաժեշտ շրջահայացություն ցուցաբերել Համակարգերն օգտագործելիս այլ անձանց կողմից Համակարգ ապօրինի մուտքի հնարավորությունը և տվյալների հասանելիությունը բացառելու համար: Բանկը պատասխանատվություն չի կրում դրանք երրորդ անձանց բացահայտվելու արդյունքում Հաճախորդին պատճառված վնասների համար:
InecoOnline/InecoMobile/Ineco և այլ Համակարգերից օգտվելու համար Բանկը կարող է տրամադրել ծրագրային ապահովում, անվտանգության բանալիներ, չիպեր, թոքեններ և Համակարգ մուտք գործելու անվտանգությունն ապահովող այլ սարքեր: Այդ սարքերը համարվում են Բանկի սեփականությունը և ենթակա են օգտագործման Բանկի սահմանած կարգով: Սարքի կորստի կամ փչացման դեպքում Հաճախորդը պարտավոր է անհապաղ տեղեկացնել Բանկին: Բանկը կարող է պահանջել անհապաղ հետ վերադարձնել Հաճախորդին տրամադրված սարքերը, փոխարինել դրանք, ինչպես նաև սահմանել դրանց օգտագործման հատուկ կարգ և պայմաններ:
Բանկն օգտագործում է Համակարգերով տվյալների փոխանցման անվտանգությունն ապահովող ժամանակակից և հուսալի միջոցներ: Այդուհանդերձ, Հաճախորդը Համակարգերն օգտագործում է իր ռիսկով և Բանկը պատասխանատվություն չի կրում Համակարգերի օգտագործման հետ կապված խափանումների, տվյալների կորուստների, ինչպես նաև Համակարգերի օգտագործումից բխող Հաճախորդների տվյալների բացահայտման և Հաճախորդների ցանկացած այլ կորուստների և վնասների համար:
Համակարգերը տրամադրվում են դրանց հասանելիության պահին գործող պայմաններով և հնարավորություն են տալիս օգտվել փաստացի այդ պահին մատչելի գործառնություններից: Հաճախորդը տեղյակ է, որ կախված Վճարային համակարգերի կանոններից և տեխնիկական հնարավորություններից, Քարտային և այլ հաշիվների, ինչպես նաև այլ գործառնությունների վերաբերյալ որոշ տեղեկություններ կարող են Համակարգում արտացոլվել կամ թարմացվել հետագայում: Հաճախորդներին առաջարկվող ծառայությունների ցանկն ու առանձին հնարավորությունները կարող են սահմանափակվել կախված Հաճախորդի համակարգչի կամ այլ տեխնիկական միջոցների հնարավորություններից, կապի որակից, Բանկի կողմից իրականացվող տեխնիկական սպասարկման աշխատանքներից և այլ գործոններից: Բանկը կարող է ավելացնել կամ պակասեցնել Համակարգերով մատուցվող գործառնությունների շրջանակը, ինչպես նաև դադարեցնել կամ կասեցնել Համակարգի մատչելիությունը, (ներառյալ` լուծել Համակարգի տրամադրման պայմանագիրը)` տեխնիկական սպասարկման աշխատանքներ իրականացնելու կամ այլ պատճառներով:
Համակարգերի միջոցով Հաճախորդի ներկայացրած հայտերի ուսումնասիրման արդյունքների, ինչպես նաև Հաճախորդի այլ գործառնությունների մասին Բանկը կարող է տեղեկացնել էլեկտրոնային եղանակով, ներառյալ՝ Համակարգը սպասարկող ինտերնետային էջերի կամ բջջային հավելվածների համապատասխան մասում տեղեկություններ տեղադրելով, էլեկտրոնային փոստով, բջջային հեռախոսահամարին ուղարկված կարճ հաղորդագրությունների (SMS), Համակարգի բջջային հավելվածների կողմից ուղարկվող հաղորդագրությունների (Push Notifications) միջոցով և այլ եղանակներով: Համակարգի միջոցով կատարված գործառնությունների մասին տվյալները պահպանվում են Բանկի սերվերներում և համարվում են ապացույց` վիճելի հարցերի կարգավորման համար:
Բանկն իրավունք ունի Համակարգի միջոցով կատարվող գործառնությունների համար նախատեսել սահմանաչափեր, ինչպես նաև Հաճախորդի հանձնարարականներն ու ցուցումները կատարելիս իրականացնել Հաճախորդի ինքնության հավելյալ ստուգում` պահանջելով լրացուցիչ ձայնային կամ այլ հաստատում: Բանկը կարող է կասեցնել կամ դադարեցնել Համակարգ մուտք գործելու Հաճախորդի հնարավորությունը` Սակագներով և այլ փաստաթղթերով նախատեսված վճարները չկատարելու, սույն Հիմնական պայմանների պահանջները խախտելու, ինչպես նաև Հաճախորդի նույնականության վերաբերյալ կասկածներ ունենալու դեպքերում:
Համակարգի տրամադրման պայմանագրի լուծումը չի հանգեցնում Բանկի և Հաճախորդի միջև առկա այլ պայմանագրային հարաբերությունների փոփոխմանը կամ դադարեցմանը, եթե գրավոր ձևով այլ բան համաձայնեցված չէ:

Թարմացված է 14.07.2026 17:07