Պաշտպանված մարդիկ կանաչ անձրևանոցի տակ՝ Ինեկոբանկի սոցիալական հաշվի սիմվոլ

Բացեք Սոցիալական ապահովության հաշիվ

Ցանկանո՞ւմ եք գտնել կենսաթոշակի կամ պետության կողմից վճարվող այլ պարբերական դրամական միջոցների տնօրինման ապահով և հուսալի միջոց: Ինեկոբանկն առաջարկում է այցելել բանկի ցանկացած մասնաճյուղ և բացել Սոցիալական ապահովության հաշիվ (Visa/Mastercard Pension քարտային հաշիվ)։

Թողնել հայտ

Հաշվի Մասին Սակագներ եվ պայմաններ Լրացուցիչ Փաստաթղթեր

Նպատակային խումբ

Անձ, ում օրենքով վճարվում է պարբերական դրամական վճարի գումար

Հաշվի արժույթ

Հաշվի բացում և սպասարկում

Անվճար

Սոցիալական ապահովության հաշվից կանխիկացում

Անվճար

Սոցիալական ապահովության հաշվի դրական մնացորդի նկատմամբ հաշվարկվող տարեկան տոկոսադրույք

Սոցիալական ապահովության հաշվով հնարավոր գործառնությունների տեսակներ

Հաշվի համալրում՝

Միայն օրենքով սահմանված պարբերական դրամական վճարի գումարների ստացում

Հաշվից ելքագրում՝

Կանխիկի ելքագրում
Փոխանցում Բանկում հաճախորդի այլ հաշիվներին

Քարտային հաշվի արժույթ

ՀՀ դրամ

Քարտի գործողության ժամկետ

5 տարի

Քարտի թողարկում և քարտային հաշվի սպասարկում

անվճար

Կից քարտերի հնարավորություն

Կորցված կամ վնասված քարտի վերաթողարկում

Անվճար

Նոր PIN կոդի տրամադրում

Անվճար

Քարտով կանխիկի տրամադրում Ինեկոբանկի կանխիկացման կետերում

Քարտով կանխիկի տրամադրում ArCa համակարգի միջոցով հավաստագրում տրամադրող բանկերի կանխիկացման կետերում

0.5%

Կանխիկի տրամադրում ArCa համակարգի միջոցով հավաստագրում չտրամադրող բանկերի կանխիկացման կետերում և ՀՀ տարածքից դուրս

1.5%, բայց ոչ պակաս, քան 1 500 ՀՀ դրամ

Քարտով կանխիկացման գործարքների օրական առավելագույն սահմանաչափ

300,000 ՀՀ դրամ

Քարտով իրականացված գործարքների վերաբերյալ SMS հաղորդագրության ուղարկում

Յուրաքանչյուրը 15 ՀՀ դրամ, եթե հաճախորդը ցանկանում է ստանալ SMS հաղորդագրություն

Հաճախորդի կողմից այլ հանձնարարական չլինելու դեպքում SMS հաղորդագրությունները ուղարկվում են 1,000 ՀՀ դրամ/ 2 ԱՄՆ դոլար/ 2Եվրո/125 ռուբլի գումարը գերազանցող գործարքների համար:

Քարտի առաքման դեպքում քարտի տրամադրման վճար

անվճար

Քարտային հաշվի վաղաժամկետ փակում

անվճար

Ընդհանուր դրույթներ Visa/Mastercard Pension դեբետային քարտերի համար

Քարտային հաշվի նվազագույն մնացորդ չի սահմավում:
Քարտային հաշվի դրական մնացորդի դիմաց հաշվարկվող տարեկան տոկոսադրույքը 0% է:
Կանխիկացման գործարքների օրական առավելագույն քանակը 10 գործարք է:
Մեկ անկանխիկ գործարքի համար առավելագույն սահմանաչափ, ինչպես նաև անկանխիկ գործարքների օրական առավելագույն սահմանաչափ և քանակ չի սահմանվում:
Հաճախորդի դիմումի համաձայն կանխիկացման սահմանաչափի մեկանգամյա փոփոխման դեպքում (գործում է մինչև տվյալ օրվա 24:00-ն) կիրառվում է 3,000 ՀՀ դրամ սակագին, իսկ պայմանագրի գործողության ամբողջ ժամանակահատվածի համար փոփոխման դեպքում՝ 5,000 ՀՀ դրամ սակագին:
Քարտից քարտ փոխանցման, ինչպես նաև քարտային հաշվից նույն հաճախորդի այլ բանկային հաշիվներին փոխանցման դեպքում (ԻնեկոՕնլայն/ԻնեկոՄոբայլ/Ինեկո համակարգերով) միջնորդավճար չի գանձվում:
Քարտի շտապ պատվիրման դեպքում լրացուցիչ գանձվում է 3,000 ՀՀ դրամ սակագին: Շտապ պատվիրման դեպքում քարտը տրամադրվում է 1 բանկային օրվա ընթացքում միայն Բանկի Կոմիտաս 2 մասնաճյուղում , իսկ Բանկի այլ մասնաճյուղերում նշված ժամկետին գումարվում է նաև քարտի տեղափոխման ժամանակը:
Սույն փաստաթղթով սահմանված վճարային քարտերով կատարված գործարքների վերաբերյալ SMS հաղորդագրությունների ուղարկման ծառայությունը ակտիվանում է քարտի պատվիրման պահին հաճախորդի համապատասխան հանձնարարականի հիման վրա։ Հաճախորդը կարող է նաև ընտրել գումարի չափը, որը գերազանցող գործարքների վերաբերյալ ցանկանում է ստանալ SMS հաղորդագրություն։ Վճարային քարտով կատարված գործարքների վերաբերյալ SMS հաղորդագրությունների ուղարկման ծառայության ակտիվացում/ապաակտիվացում, ինչպես նաև վերոնշյալ գործարքի գումարի չափի փոփոխություն կարող է իրականացվել քարտի գործողության ժամկետի ընթացքում հաճախորդի կողմից Բանկի տարածքում/ԻնեկոՕնլայն համակարգում ներկայացված համապատասխան դիմում-հայտի հիման վրա։
Սույն փաստաթղթով սահմանված վճարային քարտերով կատարված գործարքների վերաբերյալ SMS հաղորդագրությունների ուղարկման ծառայության շրջանակում SMS հաղորդագրություններ չեն ուղարկվում InecoOnline, InecoMobile և Ineco հավելվածի միջոցով քարտային հաշվին կատարված մուտքագրման և քարտային հաշվից ելքագրման գործարքների վերաբերյալ։
Քարտի բլոկավորման և ապաբլոկավորման համար միջնորդավճար չի գանձվում:
Քաղվածքի ամսաթիվ (Statement date) է համարվում յուրաքանչյուր ամսվա 1-ը:
Այն միջնորդավճարները, որոնք ենթակա են ԱԱՀ-ով հարկման, ներառում են նաև ԱԱՀ-ն:

Ընդհանուր դրույթներ Բանկային հաշվի բոլոր տեսակների համար

Սույն փաստաթղթով սահմանված բանկային հաշիվները (այսուհետ՝ Հաշիվ/ Հաշիվեր) բացվում են անժամկետ (բացառությամբ Էսքրոու հաշվի, որոնք փակվում են անմիջապես գործարքի ավարտից հետո):
Հաշվի բացման համար անհրաժեշտ մուտքագրվող նվազագույն գումար, ինչպես նաև հաշվի նվազագույն մնացորդ չի սահմանվում:

3,000,000 (երեք միլիոն) ՀՀ դրամը կամ համարժեք արտարժույթը գերազանցող կանխիկի տրամադրումն իրականացվում է նախօրոք ներկայացված հայտի հիման վրա, որը Բանկին ներկայացվում է առնվազն մեկ օր առաջ` մինչև ժամը 14։45-ը։ Առանց նախնական պատվերի երեք միլիոն ՀՀ դրամից ավելի գումարների տրամադրումը Բանկի կողմից կարող է մերժվել կամ բավարարվել` նշված գումարը գերազանցող գումարի նկատմամբ 0.5% չափով կանխիկ գումարի ելքագրման լրացուցիչ սակագին գանձելու իրավունքով։
Սահմանափակումների բացակայության դեպքում Բանկային հաշիվները փակվում են անվճար:
Այն միջնորդավճարները, որոնք ենթակա են ԱԱՀ-ով հարկման, ներառում են նաև ԱԱՀ-ն:

Բանկային ծառայությունների մատուցումը հեռակառավարման համակարգերի միջոցով

Բանկն առաջարկում է InecoOnline/InecoMobile/Ineco և այլ Համակարգեր` ինտերնետով, հեռախոսազանգի կամ SMS հաղորդագրության և կապի այլ միջոցներով բանկային ծառայություններից օգտվելու, ինչպես նաև տեղեկություններ ստանալու հնարավորություն` առանց Բանկ այցելելու: Համակարգերը ժամանակակից և հարմարավետ գործիքներ են, որոնք հնարավորություն են ընձեռում դիտել Հաշիվներով կատարվող գործառնությունները, ներկայացնել վճարման հանձնարարականներ, ստանալ տեղեկություններ, կատարել արտարժույթի փոխանակում, վճարումներ, ներկայացնել և ստանալ (ակցեպտավորել) դիմումներ, հայտեր, առաջարկներ (օֆերտաներ), կնքել պայմանագրեր և այլ գործարքներ, ինչպես նաև իրականացնել տվյալ Համակարգում Բանկի կողմից մատչելի դարձված ֆինանսական և այլ գործառնություններ: Համակարգերի տեսակները, դրանց օգտագործման պայմանները և կանոնները հրապարակվում են Կայքում կամ համապատասխան Համակարգից օգտվելու համար սահմանված այլ կայքերում, ծրագրային ապահովման միջոցներում և բջջային հավելվածներում և կարող են ժամանակ առ ժամանակ փոփոխվել:
Համակարգերը հասանելի են Բանկում համապատասխան հաշիվներ ունեցող Հաճախորդների համար: Հաճախորդին համապատասխան Համակարգից օգտվելու սարքի, օգտագործողի անվան, գաղտնաբառի, ինչպես նաև Հաճախորդին համակարգից օգտվելու հնարավորություն այլ կերպ ընձեռելը նշանակում է, որ Հաճախորդի և Բանկի միջև կնքվել է Համակարգի տրամադրման պայմանագիր` Հիմնական պայմաններին համապատասխան: Համակարգի տրամադրման պայմանագրի անբաժանելի մասն են Հիմնական պայմանները, Սակագները, համապատասխան Համակարգի օգտագործման ուղեցույցները, Բանկի ինտերնետային կայքերի, բջջային հավելվածների և այլ ծրագրային ապահովման օգտագործման կանոնները և պայմանները, ինչպես նաև Հաճախորդի և Բանկի հարաբերությունները կարգավորող այլ փաստաթղթերը:
Կողմերն ընդունում են, որ Համակարգ մուտք գործելու համար անհրաժեշտ օգտագործողի անվանման, գաղտնաբառերի, կամ այլ հաղորդագրությունների մուտքագրմամբ Բանկն իրականացնում է Հաճախորդի անհրաժեշտ և բավարար նույնականացում, ինչը հիմք է Համակարգերի միջոցով Հաճախորդին բանկային ծառայություններ մատուցելու համար:
Կողմերն ընդունում են, որ Հաճախորդին նույնականացնելուց հետո Համակարգ մուտք գործելու համար Հաճախորդի կողմից օգտագործվող գաղտնաբառն ունի թղթային կրիչի վրա դրված բնօրինակ ստորագրությանը համարժեք իրավաբանական ուժ: Հաճախորդի կողմից Համակարգ մուտք գործելուց հետո Համակարգի միջոցով Բանկ ներկայացվող բոլոր հայտերը, դիմումները, պայմանագրերն ու այլ էլեկտրոնային փաստաթղթերը համարվում են ստորագրված Հաճախորդի կողմից: InecoOnline Համակարգի միջոցով տեղեկատվություն փոխանակելը հավասարազոր է Բանկի տարածքում առձեռն փոխանակելուն:
Հաճախորդը պարտավոր է խստիվ պահպանել Համակարգ մուտք գործելու գաղտնաբառի և այլ նույնականացնող տվյալների գաղտնիությունը և անհրաժեշտ շրջահայացություն ցուցաբերել Համակարգերն օգտագործելիս այլ անձանց կողմից Համակարգ ապօրինի մուտքի հնարավորությունը և տվյալների հասանելիությունը բացառելու համար: Բանկը պատասխանատվություն չի կրում դրանք երրորդ անձանց բացահայտվելու արդյունքում Հաճախորդին պատճառված վնասների համար:
InecoOnline/InecoMobile/Ineco և այլ Համակարգերից օգտվելու համար Բանկը կարող է տրամադրել ծրագրային ապահովում, անվտանգության բանալիներ, չիպեր, թոքեններ և Համակարգ մուտք գործելու անվտանգությունն ապահովող այլ սարքեր: Այդ սարքերը համարվում են Բանկի սեփականությունը և ենթակա են օգտագործման Բանկի սահմանած կարգով: Սարքի կորստի կամ փչացման դեպքում Հաճախորդը պարտավոր է անհապաղ տեղեկացնել Բանկին: Բանկը կարող է պահանջել անհապաղ հետ վերադարձնել Հաճախորդին տրամադրված սարքերը, փոխարինել դրանք, ինչպես նաև սահմանել դրանց օգտագործման հատուկ կարգ և պայմաններ:
Բանկն օգտագործում է Համակարգերով տվյալների փոխանցման անվտանգությունն ապահովող ժամանակակից և հուսալի միջոցներ: Այդուհանդերձ, Հաճախորդը Համակարգերն օգտագործում է իր ռիսկով և Բանկը պատասխանատվություն չի կրում Համակարգերի օգտագործման հետ կապված խափանումների, տվյալների կորուստների, ինչպես նաև Համակարգերի օգտագործումից բխող Հաճախորդների տվյալների բացահայտման և Հաճախորդների ցանկացած այլ կորուստների և վնասների համար:
Համակարգերը տրամադրվում են դրանց հասանելիության պահին գործող պայմաններով և հնարավորություն են տալիս օգտվել փաստացի այդ պահին մատչելի գործառնություններից: Հաճախորդը տեղյակ է, որ կախված Վճարային համակարգերի կանոններից և տեխնիկական հնարավորություններից, Քարտային և այլ հաշիվների, ինչպես նաև այլ գործառնությունների վերաբերյալ որոշ տեղեկություններ կարող են Համակարգում արտացոլվել կամ թարմացվել հետագայում: Հաճախորդներին առաջարկվող ծառայությունների ցանկն ու առանձին հնարավորությունները կարող են սահմանափակվել կախված Հաճախորդի համակարգչի կամ այլ տեխնիկական միջոցների հնարավորություններից, կապի որակից, Բանկի կողմից իրականացվող տեխնիկական սպասարկման աշխատանքներից և այլ գործոններից: Բանկը կարող է ավելացնել կամ պակասեցնել Համակարգերով մատուցվող գործառնությունների շրջանակը, ինչպես նաև դադարեցնել կամ կասեցնել Համակարգի մատչելիությունը, (ներառյալ` լուծել Համակարգի տրամադրման պայմանագիրը)` տեխնիկական սպասարկման աշխատանքներ իրականացնելու կամ այլ պատճառներով:
Համակարգերի միջոցով Հաճախորդի ներկայացրած հայտերի ուսումնասիրման արդյունքների, ինչպես նաև Հաճախորդի այլ գործառնությունների մասին Բանկը կարող է տեղեկացնել էլեկտրոնային եղանակով, ներառյալ՝ Համակարգը սպասարկող ինտերնետային էջերի կամ բջջային հավելվածների համապատասխան մասում տեղեկություններ տեղադրելով, էլեկտրոնային փոստով, բջջային հեռախոսահամարին ուղարկված կարճ հաղորդագրությունների (SMS), Համակարգի բջջային հավելվածների կողմից ուղարկվող հաղորդագրությունների (Push Notifications) միջոցով և այլ եղանակներով: Համակարգի միջոցով կատարված գործառնությունների մասին տվյալները պահպանվում են Բանկի սերվերներում և համարվում են ապացույց` վիճելի հարցերի կարգավորման համար:
Բանկն իրավունք ունի Համակարգի միջոցով կատարվող գործառնությունների համար նախատեսել սահմանաչափեր, ինչպես նաև Հաճախորդի հանձնարարականներն ու ցուցումները կատարելիս իրականացնել Հաճախորդի ինքնության հավելյալ ստուգում` պահանջելով լրացուցիչ ձայնային կամ այլ հաստատում: Բանկը կարող է կասեցնել կամ դադարեցնել Համակարգ մուտք գործելու Հաճախորդի հնարավորությունը` Սակագներով և այլ փաստաթղթերով նախատեսված վճարները չկատարելու, սույն Հիմնական պայմանների պահանջները խախտելու, ինչպես նաև Հաճախորդի նույնականության վերաբերյալ կասկածներ ունենալու դեպքերում:
Համակարգի տրամադրման պայմանագրի լուծումը չի հանգեցնում Բանկի և Հաճախորդի միջև առկա այլ պայմանագրային հարաբերությունների փոփոխմանը կամ դադարեցմանը, եթե գրավոր ձևով այլ բան համաձայնեցված չէ:

Թարմացված է 08.07.2026 15:47