Պատվիրեք ArCa Classic քարտեր

ArCa Classic քարտերը նախատեսված են Հայաստանում գործող առևտրի և սպասարկման կետերում անկանխիկ վճարումներ կատարելու, բանկոմատներից կանխիկ դրամական միջոցներ ստանալու և ArCa-ի տարբերանշանը պարունակող ինտերնետային կայքերում վճարումներ կատարելու համար։

Պատվիրել քարտ

ArCa Classic քարտերի տրամադրման ծառայությունը ժամանակավորապես դադարեցված է։

Քարտի Մասին Սակագներ եվ պայմաններ Լրացուցիչ փաստաթղթեր

Քարտային հաշվի արժույթ

Քարտի գործողության ժամկետ

2 տարի

Քարտային հաշվի տարեկան սպասարկման վճար (ՀՀ դրամ)

2,500 *

* Ստանդարտ սակագնային պլանի շրջանակներում հաճախորդին քարտի գործողության ողջ ժամկետի համար անվճար տրամադրվում է՝

Մեկ ArCa Classic քարտ, եթե հաճախորդի ժամկետային ավանդների և/կամ ձեռք բերված պարտատոմսերի (Բանկի կողմից թողարկված) ընդհանուր գումարային մեծությունը քարտի պատվիրման պահին կազմել է մինչև 500,000 ՀՀ դրամ կամ համարժեք արտարժույթ,
հաճախորդի նախընտրած արժույթով Classic կամ Standart դասի մեկ քարտ, եթե հաճախորդի ժամկետային ավանդների և/կամ ձեռք բերված պարտատոմսերի (Բանկի կողմից թողարկված) ընդհանուր գումարային մեծությունը քարտի պատվիրման պահին կազմել է 500,001-10,000,000 ՀՀ դրամ կամ համարժեք արտարժույթ
հաճախորդի նախընտրած արժույթով Gold դասի մեկ քարտ, եթե հաճախորդի ժամկետային ավանդների և/կամ ձեռք բերված պարտատոմսերի (Բանկի կողմից թողարկված) ընդհանուր գումարային մեծությունը քարտի պատվիրման պահին կազմել է առնվազն 10,000,000 ՀՀ դրամ կամ համարժեք արտարժույթ:

Կանխիկի տրամադրում Ինեկոբանկի կանխիկացման կետերում

մինչև վարկային գիծ ակտիվացնելը՝ 0%
վարկային գիծ ակտիվացնելուց հետո՝ 1%

Առանց քարտի կիրառման կանխիկի տրամադրում Ինեկոբանկի դրամարկղերում

Մինչև վարկային գծի ակտիվացնելը՝

ՀՀ դրամ` 0.2%, բայց ոչ պակաս քան 500 ՀՀ դրամ,
Եվրո` 1%, բայց ոչ պակաս քան 2,000 ՀՀ դրամ
ԱՄՆ դոլար` 1%, բայց ոչ պակաս քան 2,000 ՀՀ դրամ
ՌԴ ռուբլի` 0.5%, բայց ոչ պակաս քան 2,000 ՀՀ դրամ

Վարկային գծի ակտիվացնելուց հետո՝
Սույն սակագներով սահմանված՝ Ինեկոբանկի կանխիկացման կետերում կանխիկի տրամադրման համար սահմանված սակագնից և սույն սակագներով սահմանված մինչև վարկային գծի ակտիվացնելը առանց քարտի կիրառման կանխիկի տրամադրման սակագնից առավելագույնը։

Կանխիկի տրամադրում ArCa համակարգի միջոցով հավաստագրում տրամադրող բանկերի կանխիկացման կետերում

մինչև վարկային գիծ ակտիվացնելը՝ 1%
վարկային գիծ ակտիվացնելուց հետո՝ 2%

Կանխիկացման գործարքների օրական առավելագույն սահմանաչափ

1 250 000 ֏

2 500 $

2 500 €

200 000 ₽

Կից քարտերի տարեկան սպասարկման վճար

1250 ՀՀ դրամ

Կատարված գործարքների վերաբերյալ SMS հաղորդագրության ուղարկում

Յուրաքանչյուրը 15 ՀՀ դրամ, եթե հաճախորդը ցանկանում է ստանալ SMS հաղորդագրություն

* Հաճախորդի կողմից այլ հանձնարարական չլինելու դեպքում SMS հաղորդագրությունները ուղարկվում են 1,000 ՀՀ դրամ/ 2 ԱՄՆ դոլար/ 2Եվրո/125 ռուբլի գումարը գերազանցող գործարքների համար:

Քարտից քարտ փոխանցման վճար | Քարտային հաշվից նույն հաճախորդի այլ բանկային հաշիվներին փոխանցում (միայն ԻնեկոՕնլայն/ԻնեկոՄոբայլ համակարգերով)

Մինչև վարկային գիծ ակտիվացնելը՝ 0%
Վարկային գիծ ակտիվացնելուց հետո՝ 1%

*ԻնեկոՕնլայն/Մոբայլ համակարգերի «Փոխանցում քարտին» ծառայության միջոցով կատարվող փոխանցումների համար լրացուցիչ կիրառվում են «Փոխանցում քարտին» ծառայության միջոցով կատարված գործարքների համար սահմանված սակագները

Քարտի բլոկավորում | ապաբլոկավորում

անվճար

Կորցված կամ վնասված քարտի վերաթողարկում

1 250 ՀՀ դրամ

Քարտի առաքման դեպքում քարտի տրամադրման վճար

անվճար

Քարտային հաշվի վաղաժամկետ փակում

անվճար

Ձեր ֆինանսական տեղեկատուն

«ՁԵՐ ՖԻՆԱՆՍԱԿԱՆ ՏԵՂԵԿԱՏՈՒՆ»` www.fininfօ.am, ՖԻԶԻԿԱԿԱՆ ԱՆՁԱՆՑ ԱՌԱՋԱՐԿՎՈՂ ԾԱՌԱՅՈՒԹՅՈՒՆՆԵՐԻ ՈՐՈՆՄԱՆ, ՀԱՄԵՄԱՏՄԱՆ և ՁԵԶ ՀԱՄԱՐ ԱՄԵՆԱԱՐԴՅՈՒՆԱՎԵՏ ՏԱՐԲԵՐԱԿԻ ԸՆՏՐՈՒԹՅՈՒՆԸ ՀԵՇՏԱՑՆՈՂ ԷԼԵԿՏՐՈՆԱՅԻՆ ՀԱՄԱԿԱՐԳ Է:

Այլ պայմաններ

Ընդհանուր դրույթներ

Սույն փաստաթղթով սահմանված վճարային քարտերը տրամադրվում են 5 տարի ժամկետով, բացառությամ ArCa վճարային քարտերի, որոնք տրամադրվում են 2 տարի ժամկետով:
Քարտային հաշվի նվազագույն մնացորդ չի սահմանվում:
Քարտային հաշվի դրական մնացորդի դիմաց հաշվարկվող տարեկան տոկոսադրույքը 0% է:
Քարտով կոմունալ վճարումների իրականացման համար միջնորդավճար չի սահմանվում:
Քարտով անկանխիկ գործարքների իրակացումն անվճար է: Մեկ անկանխիկ գործարքի համար առավելագույն սահմանաչափ, ինչպես նաև անկանխիկ գործարքների օրական առավելագույն սահմանաչափ և քանակ չի սահմանվում:
Կանխիկացման կետերում կանխիկացման գործարքների օրական առավելագույն քանակը 10 գործարք է:
Հաճախորդի դիմումի համաձայն կանխիկացման սահմանաչափը պայմանագրի գործողության ամբողջ ժամանակահատվածի համար բարձրացման դեպքում* կիրառվում է 10,000 ՀՀ դրամ սակագին:

* Կանխիկացման սահմանաչափի բարձրացումը իրականացվում է Բանկի համաձայնությամբ։
Անշարժ գույքի գրավադրմամբ տրամադրվող վարկային գծերի պայմանագրային գումարի կանխիկացման համար քարտի կանխիկացման սահմանաչափի (տրամադրված վարկի պայմանագրային գումարի չափով) մեկանգամյա բարձրացման սակագին չի սահմանում:
Քարտը տրամադրվում է առավելագույնը 3 աշխատանքային օրվա ընթացքում, իսկ մարզերում գտնվող Բանկի մասնաճյուղերի համար նշված ժամկետին գումարվում է նաև քարտի տեղափոխման ժամանակը: Քարտի շտապ պատվիրման դեպքում լրացուցիչ գանձվում է 3,000 ՀՀ դրամ սակագին: Շտապ պատվիրման դեպքում քարտը տրամադրվում է 1 բանկային օրվա ընթացքում միայն Բանկի Կոմիտաս 2 մասնաճյուղում, իսկ Բանկի այլ մասնաճյուղերում նշված ժամկետին գումարվում է նաև քարտի տեղափոխման ժամանակը:
Քարտի բլոկավորումը և ապաբլոկավորումը անվճար է:
Կորցրած կամ վնասված քարտի վերաթողարկման դիմում ներկայացնելու դեպքում գանձվում է 2,000 ՀՀ դրամ միանվագ սակագին, բացառությամբ ArCa վճարային քարտերի, որոնց դեպքում սակագինը կազմում է 1250 ՀՀ դրամ:
Նոր պին կոդի տրամադրման համար միջնորդավճար չի գանձվում:
Սույն փաստաթղթով սահմանված վճարային քարտերով կատարված գործարքների վերաբերյալ SMS հաղորդագրությունների ուղարկման ծառայությունը ակտիվանում է քարտի պատվիրման պահին հաճախորդի համապատասխան հանձնարարականի հիման վրա։ Հաճախորդը կարող է նաև ընտրել գումարի չափը, որը գերազանցող գործարքների վերաբերյալ ցանկանում է ստանալ SMS հաղորդագրություն։ Վճարային քարտով կատարված գործարքների վերաբերյալ SMS հաղորդագրությունների ուղարկման ծառայության ակտիվացում/ապաակտիվացում, ինչպես նաև վերոնշյալ գործարքի գումարի չափի փոփոխություն կարող է իրականացվել քարտի գործողության ամբողջ ժամկետի ընթացքում հաճախորդի կողմից Բանկի տարածքում/ԻնեկոՕնլայն համակարգում ներկայացված համապատասխան դիմում-հայտի հիման վրա։
ՀՀ տարածքից դուրս գործող բանկերի բանկոմատների և/կամ POS տերմինալների միջոցով գործարքներ կատարելիս քարտի առգրավման դեպքում գանձվում է միջնորդավճար՝ համաձայն Վճարային համակարգի և/կամ սպասարկող Բանկի կողմից ներկայացված ծախսերի, բայց ոչ պակաս քան 10,000 ՀՀ դրամ:
Քարտային հաշվի վաղաժամկետ փակումն անվճար է:
Քաղվածքի ամսաթիվ (Statement date) է համարվում յուրաքանչյուր ամսվա 1-ը: Ամսական քաղվածքի տրամադրումը անվճար է: Յուրաքանչյուր լրացուցիչ քաղվածքի տրամադրման դեպքում գանձվում է սակագին՝ համաձայն համապատասխան սակագնային պլանի:
Քարտային հաշվի առաջին տարվա սպասարկման վճարը վճարվում է անմիջապես քարտային հաշիվը բացելիս, իսկ յուրաքանչյուր հաջորդ տարվա համար վճարվում է մինչև Քարտի թողարկման ամսվա 25-ը, եթե այլ բան նախատեսված չէ սակագներով։
Բանկի ՖԳԻԱՍ-ների միջոցով վճարային քարտերով իրականացվող գործարքների համար կիրառվում է սույն փաստաթղթով սահմանված՝ Ինեկոբանկի կանխիկացման կետերից կանխիկի տրամադրման սակագինը՝ բացառությամբ կոմունալ վճարումների իրականացման գործարքների, որոնց համար միջնորդավճար չի սահմանվում։
Այն միջնորդավճարները, որոնք ենթակա են ԱԱՀ-ով հարկման, ներառում են նաև ԱԱՀ-ն:

Բանկային ծառայությունների մատուցումը հեռակառավարման համակարգերի միջոցով

Բանկն առաջարկում է ԻնեկոՕնլայն, ԻնեկոՄոբայլ և այլ Համակարգեր` ինտերնետով, հեռախոսազանգի կամ SMS հաղորդագրության և կապի այլ միջոցներով բանկային ծառայություններից օգտվելու, ինչպես նաև տեղեկություններ ստանալու հնարավորություն` առանց Բանկ այցելելու: Համակարգերը ժամանակակից և հարմարավետ գործիքներ են, որոնք հնարավորություն են ընձեռում դիտել Հաշիվներով կատարվող գործառնությունները, ներկայացնել վճարման հանձնարարականներ, ստանալ տեղեկություններ, կատարել արտարժույթի փոխանակում, վճարումներ, ներկայացնել և ստանալ (ակցեպտավորել) դիմումներ, հայտեր, առաջարկներ (օֆերտաներ), կնքել պայմանագրեր և այլ գործարքներ, ինչպես նաև իրականացնել տվյալ Համակարգում Բանկի կողմից մատչելի դարձված ֆինանսական և այլ գործառնություններ: Համակարգերի տեսակները, դրանց օգտագործման պայմանները և կանոնները հրապարակվում են Կայքում կամ համապատասխան Համակարգից օգտվելու համար սահմանված այլ կայքերում, ծրագրային ապահովման միջոցներում և բջջային հավելվածներում և կարող են ժամանակ առ ժամանակ փոփոխվել:
Համակարգերը հասանելի են Բանկում համապատասխան հաշիվներ ունեցող Հաճախորդների համար: Հաճախորդին համապատասխան Համակարգից օգտվելու սարքի, օգտագործողի անվան, գաղտնաբառի, ինչպես նաև Հաճախորդին համակարգից օգտվելու հնարավորություն այլ կերպ ընձեռելը նշանակում է, որ Հաճախորդի և Բանկի միջև կնքվել է Համակարգի տրամադրման պայմանագիր` Հիմնական պայմաններին համապատասխան: Համակարգի տրամադրման պայմանագրի անբաժանելի մասն են Հիմնական պայմանները, Սակագները, համապատասխան Համակարգի օգտագործման ուղեցույցները, Բանկի ինտերնետային կայքերի, բջջային հավելվածների և այլ ծրագրային ապահովման օգտագործման կանոնները և պայմանները, ինչպես նաև Հաճախորդի և Բանկի հարաբերությունները կարգավորող այլ փաստաթղթերը:
Կողմերն ընդունում են, որ Համակարգ մուտք գործելու համար անհրաժեշտ օգտագործողի անվանման, գաղտնաբառերի, կամ այլ հաղորդագրությունների մուտքագրմամբ Բանկն իրականացնում է Հաճախորդի անհրաժեշտ և բավարար նույնականացում, ինչը հիմք է Համակարգերի միջոցով Հաճախորդին բանկային ծառայություններ մատուցելու համար:
Կողմերն ընդունում են, որ Հաճախորդին նույնականացնելուց հետո Համակարգ մուտք գործելու համար Հաճախորդի կողմից օգտագործվող գաղտնաբառն ունի թղթային կրիչի վրա դրված բնօրինակ ստորագրությանը համարժեք իրավաբանական ուժ: Հաճախորդի կողմից Համակարգ մուտք գործելուց հետո Համակարգի միջոցով Բանկ ներկայացվող բոլոր հայտերը, դիմումները, պայմանագրերն ու այլ էլեկտրոնային փաստաթղթերը համարվում են ստորագրված Հաճախորդի կողմից: ԻնեկոՕնլայն Համակարգի միջոցով տեղեկատվություն փոխանակելը հավասարազոր է Բանկի տարածքում առձեռն փոխանակելուն:
Հաճախորդը պարտավոր է խստիվ պահպանել Համակարգ մուտք գործելու գաղտնաբառի և այլ նույնականացնող տվյալների գաղտնիությունը և անհրաժեշտ շրջահայացություն ցուցաբերել Համակարգերն օգտագործելիս այլ անձանց կողմից Համակարգ ապօրինի մուտքի հնարավորությունը և տվյալների հասանելիությունը բացառելու համար: Բանկը պատասխանատվություն չի կրում դրանք երրորդ անձանց բացահայտվելու արդյունքում Հաճախորդին պատճառված վնասների համար:
ԻնեկոՕնլայն, ԻնեկոՄոբայլ և այլ Համակարգերից օգտվելու համար Բանկը կարող է տրամադրել ծրագրային ապահովում, անվտանգության բանալիներ, չիպեր, թոքեններ և Համակարգ մուտք գործելու անվտանգությունն ապահովող այլ սարքեր: Այդ սարքերը համարվում են Բանկի սեփականությունը և ենթակա են օգտագործման Բանկի սահմանած կարգով: Սարքի կորստի կամ փչացման դեպքում Հաճախորդը պարտավոր է անհապաղ տեղեկացնել Բանկին: Բանկը կարող է պահանջել անհապաղ հետ վերադարձնել Հաճախորդին տրամադրված սարքերը, փոխարինել դրանք, ինչպես նաև սահմանել դրանց օգտագործման հատուկ կարգ և պայմաններ:
Բանկն օգտագործում է Համակարգերով տվյալների փոխանցման անվտանգությունն ապահովող ժամանակակից և հուսալի միջոցներ: Այդուհանդերձ, Հաճախորդը Համակարգերն օգտագործում է իր ռիսկով և Բանկը պատասխանատվություն չի կրում Համակարգերի օգտագործման հետ կապված խափանումների, տվյալների կորուստների, ինչպես նաև Համակարգերի օգտագործումից բխող Հաճախորդների տվյալների բացահայտման և Հաճախորդների ցանկացած այլ կորուստների և վնասների համար:
Համակարգերը տրամադրվում են դրանց հասանելիության պահին գործող պայմաններով և հնարավորություն են տալիս օգտվել փաստացի այդ պահին մատչելի գործառնություններից: Հաճախորդը տեղյակ է, որ կախված Վճարային համակարգերի կանոններից և տեխնիկական հնարավորություններից, Քարտային և այլ հաշիվների, ինչպես նաև այլ գործառնությունների վերաբերյալ որոշ տեղեկություններ կարող են Համակարգում արտացոլվել կամ թարմացվել հետագայում: Հաճախորդներին առաջարկվող ծառայությունների ցանկն ու առանձին հնարավորությունները կարող են սահմանափակվել կախված Հաճախորդի համակարգչի կամ այլ տեխնիկական միջոցների հնարավորություններից, կապի որակից, Բանկի կողմից իրականացվող տեխնիկական սպասարկման աշխատանքներից և այլ գործոններից: Բանկը կարող է ավելացնել կամ պակասեցնել Համակարգերով մատուցվող գործառնությունների շրջանակը, ինչպես նաև դադարեցնել կամ կասեցնել Համակարգի մատչելիությունը, (ներառյալ` լուծել Համակարգի տրամադրման պայմանագիրը)` տեխնիկական սպասարկման աշխատանքներ իրականացնելու կամ այլ պատճառներով:
Համակարգերի միջոցով Հաճախորդի ներկայացրած հայտերի ուսումնասիրման արդյունքների, ինչպես նաև Հաճախորդի այլ գործառնությունների մասին Բանկը կարող է տեղեկացնել էլեկտրոնային եղանակով, ներառյալ՝ Համակարգը սպասարկող ինտերնետային էջերի կամ բջջային հավելվածների համապատասխան մասում տեղեկություններ տեղադրելով, էլեկտրոնային փոստով, բջջային հեռախոսահամարին ուղարկված կարճ հաղորդագրությունների (SMS), Համակարգի բջջային հավելվածների կողմից ուղարկվող հաղորդագրությունների (Push Notifications) միջոցով և այլ եղանակներով: Համակարգի միջոցով կատարված գործառնությունների մասին տվյալները պահպանվում են Բանկի սերվերներում և համարվում են ապացույց` վիճելի հարցերի կարգավորման համար:
Բանկն իրավունք ունի Համակարգի միջոցով կատարվող գործառնությունների համար նախատեսել սահմանաչափեր, ինչպես նաև Հաճախորդի հանձնարարականներն ու ցուցումները կատարելիս իրականացնել Հաճախորդի ինքնության հավելյալ ստուգում` պահանջելով լրացուցիչ ձայնային կամ այլ հաստատում: Բանկը կարող է կասեցնել կամ դադարեցնել Համակարգ մուտք գործելու Հաճախորդի հնարավորությունը` Սակագներով և այլ փաստաթղթերով նախատեսված վճարները չկատարելու, սույն Հիմնական պայմանների պահանջները խախտելու, ինչպես նաև Հաճախորդի նույնականության վերաբերյալ կասկածներ ունենալու դեպքերում:
Համակարգի տրամադրման պայմանագրի լուծումը չի հանգեցնում Բանկի և Հաճախորդի միջև առկա այլ պայմանագրային հարաբերությունների փոփոխմանը կամ դադարեցմանը, եթե գրավոր ձևով այլ բան համաձայնեցված չէ:

Թարմացված է 05.09.2024 15:59