Բացեք InecoSave խնայողական հաշիվ Ինեկոբանկում

InecoSave խնայողական հաշիվը ընձեռում է հնարավորություն համալրել և ելքագրել գումար ցանկացած պահի։ Ընդ որում ելքագրման դեպքում կուտակված տոկոսագումարները պահպանվում են։ Մեզ հետ խնայելը հեշտ է։

ՁԵՎԱԿԵՐՊԵԼ

Հաշվի Մասին Սակագներ եվ պայմաններ Լրացուցիչ փաստաթղթեր

Հաճախորդի խումբ

բանկում ընթացիկ հաշիվ ունեցող ֆիզիկական անձինք

Հաշվի արժույթ

֏ $ € ₽

Հաշվի բացման և սպասարկման վճար

Անվճար

Խնայողական հաշվից փոխանցում նույն հաճախորդի այլ հաշիվներին

Անվճար

Հաշվի բացման/համալրման նվազագույն միավոր

Չի սահմանվում

Հաշվի նվազագույն մնացորդ

Չի սահմանվում

Հաշվով գործարքների նվազագույն չափ

Չի սահմանվում

Հաշվով հնարավոր գործառնությունների տեսակներ և սահմանափակումներ

Հաշվի համալրում՝

կանխիկի մուտքագրում,
այլ հաշիվներից փոխանցում

Հաշվից ելքագրում՝

փոխանցում հաճախորդի ընթացիկ կամ քարտային հաշիվներին

Տարեկան անվանական տոկոսադրույք

֏ 3.5%

$ 0.2%

€,₽ 0.1%

Տարեկան տոկոսային եկամտաբերություն

֏ 3.55%

$ 0.2%

€,₽ 0.1%

Տոկոսների հաշվարկման ձևը և հաճախականությունը

տոկոսները հաշվարկվում են օրական՝ տվյալ օրվա Հաշվի մնացորդի նկատմամբ:
եթե տվյալ օրվա Հաշվի մնացորդը փոքր է 20,000 ՀՀ դրամ, 50 ԱՄՆ դոլար, 50 եվրոյից, 3,000 ՌԴ ռուբլուց, ապա այդ օրվա համար տոկոսներ չեն հաշվարկվում:
եթե տվյալ օրվա հաշվի մնացորդը գերազանցում է 130,000,000 ՀՀ դրամ, 250,000 ԱՄՆ դոլար, 250,000 եվրո, 20 մլն ՌԴ ռուբլուց, ապա այդ օրվա համար տոկոսը հաշվարկվում է 130,000,000 ՀՀ դրամ, 250,000 ԱՄՆ դոլար, 250,000 եվրոյի, 20 մլն ՌԴ ռուբլու նկատմամբ:

Տոկոսների վճարումը

Հաշվարկված տոկոսները վճարվում են յուրաքանչյուր օրացուցային եռամսյակի ավարտից հետո` հաջորդ ամսվա 1-ին (հունվարի 1-ին, ապրիլի 1-ին, հուլիսի 1-ին, հոկտեմբերի 1-ին) և գումարվում են հաշվի մնացորդին (կապիտալացվում են)։ Վճարման օրը ոչ աշխատանքային լինելու դեպքում տոկոսները վճարվում են վճարման օրվան հաջորդող առաջին աշխատանքային օրը։ Հաճախորդի կողմից մինչև եռամսյակի ավարտը հաշիվը փակելու դեպքում տոկոսագումարներ չեն վճարվում։

ՈՒՇԱԴՐՈՒԹՅՈՒՆ
ՁԵՐ ՀԱՇՎՈՒՄ ԱՌԿԱ ՄԻՋՈՑՆԵՐԻ ՆԿԱՏՄԱՄԲ ՏՈԿՈՍԱԳՈՒՄԱՐՆԵՐԸ ՀԱՇՎԱՐԿՎՈՒՄ ԵՆ ԱՆՎԱՆԱԿԱՆ ՏՈԿՈՍԱԴՐՈՒՅՔԻ ՀԻՄԱՆ ՎՐԱ: ԻՍԿ ՏԱՐԵԿԱՆ ՏՈԿՈՍԱՅԻՆ ԵԿԱՄՏԱԲԵՐՈՒԹՅՈՒՆԸ ՑՈՒՅՑ Է ՏԱԼԻՍ, ԹԵ ՈՐՔԱՆ ԵԿԱՄՈՒՏ ԿՍՏԱՆԱՔ ԴՈՒՔ` ՁԵՐ ԿՈՂՄԻՑ ԱՎԱՆԴԻ ՀԵՏ ԿԱՊՎԱԾ ՊԱՐՏԱԴԻՐ ՎՃԱՐՆԵՐ ԿԱՏԱՐԵԼՈՒ ԵՎ ՍԱՀՄԱՆՎԱԾ ՊԱՐԲԵՐԱԿԱՆՈՒԹՅԱՄԲ ՎԱՍՏԱԿԱԾ ՏՈԿՈՍԱԳՈՒՄԱՐՆԵՐԸ ՍՏԱՆԱԼՈՒ ԱՐԴՅՈՒՆՔՈՒՄ: ԱՎԱՆԴԻ ՏԱՐԵԿԱՆ ՏՈԿՈՍԱՅԻՆ ԵԿԱՄՏԱԲԵՐՈՒԹՅԱՆ ՉԱՓԻ ՀԱՇՎԱՐԿՄԱՆ ՀԱՄԱՐ ՀԻՄՔ Է ԸՆԴՈՒՆՎՈՒՄ ՀՀ ԿԲ «ԲԱՆԿԱՅԻՆ ԱՎԱՆԴՆԵՐԻ ՏԱՐԵԿԱՆ ՏՈԿՈՍԱՅԻՆ ԵԿԱՄՏԱԲԵՐՈՒԹՅԱՆ ՀԱՇՎԱՐԿՈՒՄԸ» ԿԱՆՈՆԱԿԱՐԳ 8/02-ՈՎ ՍԱՀՄԱՆՎԱԾ ԲԱՆԱՁԵՎԸ:

Տոկոսագումարի հաշվարկման օրինակ` (բերված օրինակում գումարները ներդրվում են 01.10.2020թ-ին, և ընթացքում չեն հանվում): Վճարվելիք տոկոսագումարից նվազեցվում է 10% եկամտային հարկ:

Ներդրված գումար (ՀՀ դրամ)	93-րդ օրը 3.5%	183-րդ օրը 3.5%	274-րդ օրը 3.5%	366-րդ օրը 3.5%
100,000	100,794	101,577	102,375	103,187
500,000	503,970	507,884	511,873	515,937
1,000,000	1,007,940	1,015,769	1,023,746	1,031,874

Ընդհանուր դրույթներ

Բանկն իրավունք ունի միակողմանիորեն փոփոխել խնայողական հաշվի նկատմամբ հաշվարկվող տոկոսների չափը՝ նախապես հաճախորդին ծանուցելով այդ մասին փոփոխություններն ուժի մեջ մտնելուց առնվազն 15 օր առաջ, եթե դիմում/պայմանագրով այլ բան նախատեսված չէ։
Խնայողական հաշիվը նախատեսված է գումար խնայելու և կուտակելու համար: Բանկն իրավունք ունի տոկոսներ չվճարել խնայողական հաշվի մնացորդի դիմաց, եթե տվյալ գումարը չի մնացել Բանկում հաճախորդի հաշվին առնվազն 24 ժամ: Այն դեպքում, երբ Հաճախորդն օգտագործում է խնայողական հաշիվը անբարեխղճորեն՝ նպատակային նշանակության պարբերաբար խախտմամբ, Բանկն իրավունք ունի չվճարել սույն ծառայության սակագներով նախատեսված տոկոսները, կամ միակողմանիորեն փակել Հաճախորդի Հաշիվը, այդ մասին ծանուցելով հաճախորդին՝ ՀՀ օրենսդրությամբ նախատեսված կարգով:
Համալրման հնարավորությամբ Ավանդային հաշվին Հաճախորդի անունով կարող են մուտքագրվել նաև երրորդ անձանցից ստացված դրամական միջոցները` նրա Ավանդային հաշվի հաշվեհամարի նշումով, եթե այլ բան սահմանված չէ Բանկի կողմից:
«Ցպահանջ» ավանդի տոկոսադրույքը Բանկի կողմից կարող է վերանայվել` կապված շուկայական տոկոսադրույքների փոփոխությունների հետ։ Տոկոսադրույքի փոփոխման հետևանքով մինչ այդ վճարված կամ կուտակված տոկոսագումարները չեն վերահաշվարկվում։
Հաշիվները բացվում են անժամկետ:
Հաշվի քաղվածքի և քաղվածքի կրկնօրինակի տրամադրումն իրականացվում է համաձայն համապատասխան սակագնային պլանի/փաթեթի սակագների:
Սահմանափակումների բացակայության դեպքում Բանկային հաշիվները փակվում են անվճար:
Այն միջնորդավճարները, որոնք ենթակա են ԱԱՀ-ով հարկման, ներառում են նաև ԱԱՀ-ն:

Ավանդային պայմանագրից բխող վեճերի լուծման կարգ

Ավանդային պայմանագրի գործողության ընթացքում կողմերի միջև ծագած վեճերը և տարաձայնությունները լուծվում են բանակցությունների միջոցով: Բանակցությունների միջոցով համաձայնության չգալու դեպքում վեճը լուծվում է ՀՀ օրենսդրությամբ սահմանված կարգով:
Հաճախորդը բողոքը (բացառությամբ՝ բողոք-պահանջի) և դիմումը կարող է Բանկին ներկայացնել առձեռն (հանձնելով գրությունը Բանկի գործունեության վայրում), փոստով (ուղարկելով Բանկի գլխամասային գրասենյակի փոստային հասցեով), Բանկի պաշտոնական ինտերնետային կայքում տեղադրված բողոքարկման հայտի միջոցով, հեռախոսով (զանգահարելով Բանկի Կոնտակտային կենտրոն) կամ Բանկի այլ հեռահար հաղորդակցման ուղիներով (էլեկտրոնային փոստով, Ինեկո Օնլայն/Մոբայլ համակարգերով, սոցիալական ցանցերի միջոցով և այլն)։Բողոք-պահանջը Բանկին ներկայացվում է գրավոր` առձեռն, փոստով կամ Բանկի պաշտոնական ինտերնետային կայքում տեղադրված բողոքարկման հայտով:
Բանկը բողոքի վերաբերյալ որոշում է կայացնում (բավարարել, մասնակի բավարարել, մերժել) 10 աշխատանքային օրվա ընթացքում:
Հաճախորդն իրավունք ունի Բանկի և իր միջև բխող բողոք-պահանջները ներկայացնել Ֆինանսական համակարգի հաշտարարին:

Այլ պայմաններ

Հաշվին դրամական միջոցները մուտքագրելու առավելագույն ժամկետներ

Հաշվին կատարված վճարումներն ու այլ մուտքերը կրեդիտագրվում (մուտքագրվում) են Հաշվին, ոչ ուշ, քան համապատասխան վճարային փաստաթուղթը Բանկ մուտքագրելուն հաջորդող բանկային օրը, եթե այլ բան նախատեսված չէ կիրառելի իրավական ակտերով։

Հաշվից դրամական միջոցները ելքագրելու առավելագույն ժամկետներ

Բանկը պարտավոր է հաճախորդի կարգադրությամբ հաշվից դրամական միջոցներ դուրս գրել ոչ ուշ, քան համապատասխան վճարային փաստաթուղթը Բանկ մուտք լինելու հաջորդ օրը, եթե այլ ժամկետներ նախատեսված չեն օրենքով, դրան համապատասխան սահմանված բանկային կանոններով կամ սակագներով։

Հաշվի սառեցում/ապասառեցում

Հաշիվների սպասարկման շրջանակներում նախատեսված վճարները 3 ամիս անընդմեջ չվճարելու դեպքում Բանկն իրավասու է սառեցնել հաճախորդի բոլոր հաշիվները: Հաշիվները սառեցվում են անվճար:

Անհրաժեշտ փաստաթղթեր

ՀՀ օրենսդրությամբ սահմանված անձը հաստատող փաստաթուղթ,
Հանրային ծառայության համարանիշ կամ այն չստանալու վերաբերյալ տեղեկանք

ՈՒՇԱԴՐՈՒԹՅՈՒՆ

Հաշիվը և դրանում եղած դրամական միջոցները տնօրինելու Հաճախորդի իրավունքները կարող են սահմանափակվել դատարանի վճռով դատական ակտերի հարկադիր կատարումն ապահովող մարմինների կամ հարկային մարմինների կողմից ներկայացված հայտի հիման վրա, ինչպես նաև Բանկի հետ կնքված գործարքների արդյունքում կիրառված սառեցումների հետևանքով: Ի լրումն Հիմնական պայմաններով նախատեսված դեպքերի` առանց Հաճախորդի կարգադրության Հաշվից դրամական միջոցների դուրսգրում կարող է իրականացվել դատական ակտերի հարկադիր կատարումն ապահովող մարմինների, հարկային մարմինների և դրա իրավասություն ունեցող այլ պետական մարմինների կողմից ներկայացված հայտի/ակտերի հիման վրա:

Ավանդների երաշխավորվող սահմանաչափեր

Ավանդի արժութային կառուցվածքը	Եթե նույն բանկում ունեք միայն դրամային ավանդ	Եթե նույն բանկում ունեք միայն արտարժութային ավանդ	Եթե նույն բանկում ունեք և ՀՀ դրամով, և արտարժույթով ավանդ
			Եթե դրամային ավանդը 7 միլիոն դրամից ավելի է	Եթե դրամային ավանդը 7 միլիոն դրամից պակաս է
Ավանդի երաշխավորման առավելագույն չափը	16 միլիոն ՀՀ դրամ	7 միլիոն ՀՀ դրամ	16 միլիոն ՀՀ դրամ (երաշխավորվում է միայն դրամային ավանդը)	7 միլիոն ՀՀ դրամ (երաշխավորվում է դրամային ավանդն ամբողջությամբ և արտարժութային ավանդը՝ 5 միլիոն դրամի և հատուցման ենթակա դրամային ավանդի տարբերության չափով)

Թարմացված է 05.09.2024 17:20