Սեպտեմբերի 9-ից 11-ը Հայաստանի Հանրապետության արտաքին գործերի նախարարության նախաձեռնությամբ մայրաքաղաքում առաջին անգամ մեկնարկեց «Երևանյան Երկխոսություն» միջազգային համաժողովը, որի գլխավոր գործընկերներից էր Ինեկոբանկը։

«Երևանյան երկխոսություն» համաժողովի ընթացքում տեղի ունեցան մի շարք թեմատիկ քննարկումներ տարբեր ոլորտների առաջատար մասնագետների հետ` Հայաստանից և արտերկրից, ժամանակի մարտահրավեր հանդիսացող հարցերի շուրջ:

Ինեկոբանկի Գործադիր տնօրեն Հայկ Ոսկանյանը թվային հանրային ենթակառուցվածքների թեմայով պանելային քննարկման բանախոսն էր։ Նա կիսվեց Հայաստանում գործող վճարային համակարգերի, էլեկտրոնային նույնականացմանը լիարժեք անցում կատարելու անհրաժեշտության, ֆինտեխ ոլորտում թվային լուծումների արդյունավետության հետ կապված իր մասնագիտական դիտարկումներով և կանխատեսումներով։

«Երևանյան երկխոսություն»-ը մեկ հարկի տակ էր համախմբել դիվանագիտության, քաղաքականության, գործարար, գիտության և մշակույթի ոլորտի առաջնորդների և փորձագետների ավելի քան 80 երկրներից և կազմակերպություններից՝ ստեղծելով բաց հարթակ կարևոր հարցերի շուրջ երկխոսության և քննարկումների համար։