Հայերեն
English
Բացեք Էսքրոու հաշիվ Ինեկոբանկում
Ցանկանո՞ւմ եք նվազեցնել Ձեր առևտրային գործարքների ռիսկերը։ Առաջարկում ենք բացել Էսքրոու հաշիվ Ինեկոբանկում, որի վրա կարող եք դեպոնացնել (սառեցնել) գործարքի համար նախատեսված ֆինանսական միջոցները՝ որպես երաշխիք։ Գումարը տրամադրվում է պայմանագրում նշված կողմին միայն ստանձնած պարտավորությունների կատարման դեպքում։
Հաշվի նկարագիր
Էսքրոու հաշիվը հատուկ բանկային հաշիվ է, որի վրա դեպոնացվում են ապրանքի, ծառայության, անշարժ գույքի ձեռքբերման կամ այլ տեսակի գործարքների միջոցները` որպես գործարքի կատարման երաշխիք: Գումարը հասանելի է դառնում միայն պայմանագրով պահանջվող փաստաթղթերը Բանկ ներկայացման դեպքում:
Հաշվի արժույթ
Արժույթը պայմանավորված է գործարքի արժույթով
Հաշվի բացման միանվագ վճար
0.2% գործարքի գումարից, նվազագույնը՝ 30,000 ՀՀ դրամ առավելագույնը՝ 300,000 ՀՀ դրամ
Գործարքի պայմանների փոփոխության վճար
20,000 ՀՀ դրամ
Էսքրոու գումարի կանխիկացում
Անվճար
Էսքրոու հաշվին դրական մնացորդի նկատմամբ հաշվարկվող տարեկան տոկոսադրույք
0%
Հաշվի փակում
Անվճար, գործարքի իրականացումից անմիջապես հետո
Ընդհանուր դրույթներ Բանկային հաշվի բոլոր տեսակների համար
- Հաշիվ բացելու ցանկություն ունեցող Հաճախորդը կարող է մոտենալ Բանկի ցանկացած Մանրածախ կամ Ունիվերսալ մասնաճյուղ՝ ներկայացնելով հաշվի բացման համար անհրաժեշտ փաստաթղթերը։ Աշխատակիցը հաճախորդին է ներկայացնում բանկային հաշվի ծառայության պայմանները և սակագները, ստուգում է ներկայացված փաստաթղթերի լիարժեքությունն ու վավերությունը և դրանց ամբողջականության դեպքում Հաճախորդի հետ կնքվում է բանկային ծառայությունների տրամադրման դիմում/պայմանագիրը և գանձվում է սակագներով սահմանված միջնորդավճարը։
- Սույն փաստաթղթով սահմանված բանկային հաշիվները բացվում են անժամկետ (բացառությամբ Էսքրոու հաշվի, որոնք փակվում են գործարքի իրականացումից անմիջապես հետո):
- ՀՀ դրամով ընթացիկ հաշվի բացման դեպքում Բանկը Հաճախորդի համար միաժամանակ բացում է ԱՄՆ դոլար, Եվրո, ՌԴ ռուբլի արժույթներով ընթացիկ հաշիվներ՝ առանց վերջիններիս համար բացման և սպասարկման լրացուցիչ վճարներ գանձելու:
- Առանց բանկային հաշիվ բացելու` սույն Սակագներով չսահմանված ծառայությունների մատուցումն իրականացվում է պայմանագրային սկզբունքով։
- Հաշիվների սպասարկման շրջանակներում նախատեսված վճարները 3 ամիս անընդմեջ չվճարելու դեպքում Բանկն իրավասու է սառեցնել հաճախորդի բոլոր հաշիվները: Հաշիվների ապասառեցումն իրականացվում է ավտոմատ կերպով, երբ հաշիվների համալրման արդյունքում ամբողջությամբ մարվում են սակագներով նախատեսված հաշիվների ամսական սպասարկման վճարների մասով կուտակված պարտավորությունը։
- Բանկը կարող է միակողմանիորեն՝ առանց դատարան դիմելու փակել զրոյական մնացորդով և մեկ տարի անընդմեջ շարժ չունեցող hաշիվները:
- Դրամական միջոցների մուտքագրումը Հաշվին իրականացվում է նույն օրվա ընթացքում, եթե հաճախորդի հետ կնքված պայմանագրով այլ բան նախատեսված չէ:
- 3,000,000 (երեք միլիոն) ՀՀ դրամը կամ համարժեք արտարժույթը գերազանցող կանխիկի տրամադրումն իրականացվում է նախօրոք ներկայացված հայտի հիման վրա, որը Բանկին ներկայացվում է առնվազն մեկ օր առաջ` մինչև ժամը 14։45-ը։ Առանց նախնական պատվերի երեք միլիոն ՀՀ դրամից ավելի գումարների տրամադրումը Բանկի կողմից կարող է մերժվել կամ բավարարվել` նշված գումարը գերազանցող գումարի նկատմամբ 0.5% չափով կանխիկ գումարի ելքագրման լրացուցիչ սակագին գանձելու իրավունքով։
- Սույն Սակագներով նախատեսված ներբանկային փոխանցումները փաստացի կատարվում են վճարման հանձնարարականը Բանկի կողմից ընդունելու օրը, իսկ միջբանկային փոխանցումները փաստացի կատարվում են (փոխանցվող գումարը Բանկի կողմից ուղարկվում է միջնորդ կամ շահառուի բանկ)
- Թղթային հանձնարարականը ներկայացվել է մինչև 13։00-ն,
- Հեռակառավարման համակարգերով հանձնարարականը ներկայացվել է մինչև 14:00-ն:
- Թղթային հանձնարարականը ներկայացվել է 13։00-ից հետո,
- Հեռակառավարման համակարգերով հանձնարարականը ներկայացվել է14:00-ից հետո։
- Օտարերկրյա հաշիվների հարկային համապատասխանության ակտի (Foreign Account Tax Compliance Act (FATCA)) հիման վրա ԱՄՆ-ի հետ կնքած համաձայնագրի համաձայն Բանկը Հաճախորդի՝ ԱՄՆ հարկատու հանդիսանալու հանգամանքը պարզելու համար կարող է իրականացնել լրացուցիչ տեղեկատվության հավաքագրում:
- Ընթացիկ հաշվի ամսական սպասարկման վճարը սկսում է հաշվարկվել հաշիվը բացելու հաջորդ օրացույցային ամսվա սկզբից, իսկ գանձումն իրականացվում է վճարը հաշվարկելու հաջորդ օրացուցային ամսվա սկզբից, եթե այլ բան նախատեսված չէ Հաճախորդի և Բանկի միջև կնքված այլ պայմանագրերով:
- ՈՒՇԱԴՐՈՒԹՅՈՒՆ՝ հաշիվը և դրանում եղած դրամական միջոցները տնօրինելու Հաճախորդի իրավունքները կարող են սահմանափակվել դատարանի վճռով դատական ակտերի հարկադիր կատարումն ապահովող մարմինների կամ հարկային մարմինների կողմից ներկայացված հայտի հիման վրա, ինչպես նաև Բանկի հետ կնքված գործարքների արդյունքում կիրառված սառեցումների հետևանքով: Ի լրումն Հիմնական պայմաններով նախատեսված դեպքերի` առանց Հաճախորդի կարգադրության Հաշվից դրամական միջոցների դուրսգրում կարող է իրականացվել դատական ակտերի հարկադիր կատարումն ապահովող մարմինների, հարկային մարմինների և դրա իրավասություն ունեցող այլ պետական մարմինների կողմից ներկայացված հայտի/ակտերի հիման վրա:
- Այն միջնորդավճարները, որոնք ենթակա են ԱԱՀ-ով հարկման, ներառում են նաև ԱԱՀ-ն:
Բանկային հաշիվների սպասարկման հիմնական պայմաններ (1)
- Հիմնական պայմանների և դրանով նախատեսված այլ փաստաթղթերի դրույթները կիրառվում են նաև էսքրոու հաշիվների, նոտարի դեպոզիտ հաշիվների, կառուցապատողի հատուկ հաշիվների, պետական աջակցության հաշիվների, ինչպես նաև ՀՀ օրենսդրությամբ սահմանված այլ հատուկ բանկային հաշիվների նկատմամբ, եթե այլ բան սահմանված չէ հատուկ բանկային հաշիվների առանձնահատկությունները կարգավորող օրենսդրությամբ:Սույն փաստաթղթով սահմանված բանկային հաշիվները բացվում են անժամկետ (բացառությամբ Էսքրոու հաշվի, որոնք փակվում են գործարքի իրականացումից անմիջապես հետո):
- Բանկի կողմից առաջարկվում են տարբեր հնարավորություններ ընձեռող հաշիվներ: Ընթացիկ հաշիվները հնարավորություն են ընձեռում իրականացնել կանխիկի մուտքագրում և ելքագրում, դրամական միջոցների վճարումներ և փոխանցումներ, ինչպես նաև Բանկի կողմից սահմանված այլ գործառնություններ:
- Յուրաքանչյուր հաշիվ սպասարկում է միայն մեկ արժույթ:
- Միևնույն արժույթով մեկից ավելի հաշիվների առկայության դեպքում Հաճախորդը կարող է տեղեկացնել Բանկին այն հաշվի մասին, որն օգտագործվելու է համապատասխան գործառնության (օրինակ` ավանդի տոկոսների վճարման) համար, եթե դա հնարավոր է տվյալ գործառնության կանոններով: Բանկը կարող է իր հայեցողությամբ ընտրել Հաճախորդի համապատասխան հաշիվը և այն օգտագործել համապատասխան գործառնության համար:
- Մուտքագրված թղթադրամների և մետաղադրամների կեղծված լինելու հետ կապված կասկածների դեպքում Բանկը կարող է առգրավել դրանք` հանձնելով իրավապահ մարմիններին կամ մասնագիտացված անձանց` հետագա ուսումնասիրության համար: Այդ դեպքում Բանկը պատասխանատվություն չի կրում հաշվին մուտքագրված գումարի պակասորդի համար:
- Իր հաշվից այլ անձանց հաշիվներին գումարներ փոխանցելու համար Հաճախորդը կարող է վճարման հանձնարարականներ ներկայացնել Բանկի մասնաճյուղերում, ԻնեկոՕնլայն համակարգի միջոցով, ինչպես նաև քարտային հաշվին կցված վճարային համակարգերի միջոցով, եթե վերջիններս թույլ են տալիս իրականացնել միջոցների փոխանցումներ: Հաճախորդի վճարման հանձնարարականները կատարվում են Հաճախորդի համապատասխան Հաշվին տվյալ հանձնարարականը կատարելու համար (այդ թվում՝ հանձնարարականից բխող Սակագներով նախատեսված համապատասխան վճարները կատարելու) բավարար միջոցների առկայության դեպքում: Հաշվին միջոցների բավարար լինելու փաստը որոշվում է Բանկի կողմից: Վճարման հանձնարարականների մասնակի կատարում չի իրականացվում, բացառությամբ ՀՀ օրենսդրությամբ սահմանված դեպքերի:
- Հաճախորդի հաշվում դրամական միջոցների առկայության դեպքում, որոնց գումարը բավարար է հաշվին ներկայացված բոլոր պահանջները բավարարելու համար, այդ միջոցները դուրս են գրվում Հաճախորդի կարգադրությունները և դուրսգրման այլ փաստաթղթերը մուտք լինելու հաջորդականությամբ (օրացուցային հաջորդականություն), եթե այլ բան նախատեսված չէ օրենքով: Բանկը պարտավոր է հաճախորդի կարգադրությամբ հաշվից դրամական միջոցներ դուրս գրել ոչ ուշ, քան համապատասխան վճարային փաստաթուղթը Բանկ մուտք լինելու հաջորդ օրը, եթե այլ ժամկետներ նախատեսված չեն օրենքով, դրան համապատասխան սահմանված բանկային կանոններով կամ սակագներով: Հաճախորդը կարող է ներկայացնել հաշվից ավելի ուշ ամսաթվի միջոցներ փոխանցելու հանձնարարականներ, ինչպես նաև հանձնարարել Բանկին հետագայում պարբերաբար միջոցներ գանձել և փոխանցել վճարման հանձնարարականում նշված հասցեատիրոջը: Այդ դեպքում Բանկը Հաճախորդի հանձնարարականում նշված հասցեատիրոջ օգտին գումարներ է փոխանցում վճարման հանձնարարականում նշված ժամկետում կամ ամսաթվերին` հաշվին բավարար միջոցների առկայության դեպքում:
- Հաշվից միջոցների դուրսգրումը կարող է իրականացվել երրորդ անձանց հանձնարարականներով` համապատասխան վճարային համակարգի կանոնների համապատասխան կամ Բանկի սահմանած ձևով: Բանկն իրավունք ունի մերժել երրորդ անձանց պահանջով միջոցների դուրսգրման գործարքները, եթե դրանք չեն համապատասխանում Բանկի սահմանած պահանջներին:
- Հաշվից գումարներ ելքագրելիս հաշվին միջոցների անբավարար լինելու դեպքերում Բանկը, Հաճախորդի հետ առանձին կնքված պայմանագրի համաձայն, կարող է վարկավորել հաշիվը (տրամադրել օվերդրաֆտ) և միջոցները դուրսգրել Հաճախորդին տրամադրված վարկային միջոցների հաշվին: Հաշվի վարկավորման արդյունքում Հաճախորդին տրամադրված միջոցների օգտագործման, դրանց նկատմամբ հաշվարկվող տոկոսների հաշվարկման կարգն ու չափը սահմանվում են Բանկի և Հաճախորդի միջև առանձին կնքվող պայմանագրով:
- Հաճախորդի հաշվին կատարված վճարումներն ու այլ մուտքերը կրեդիտագրվում (մուտքագրվում) են հաշվին, ոչ ուշ, քան համապատասխան վճարային փաստաթուղթը Բանկ մուտքագրելուն հաջորդող բանկային օրը, եթե այլ բան նախատեսված չէ կիրառելի իրավական ակտերով:
- Հաճախորդի հաշվում դրամական միջոցների անբավարարության դեպքում դրամական միջոցները դուրս են գրվում ՀՀ օրենսդրությամբ սահմանված հաջորդականությամբ: Եթե Հաճախորդի հաշվին արգելանք դրված չէ, առաջնահերթության իրավունքով Բանկը գանձում է իր նկատմամբ Հաճախորդի չմարված ժամկետանց պարտավորությունների գումարները: Ընդ որում, Բանկն իրավունք ունի իր հայեցողությամբ սահմանել Բանկի նկատմամբ Հաճախորդի ունեցած պարտավորությունների գումարների գանձման հերթականությունը:
- Բանկը Հաճախորդի բոլոր հաշիվների մնացորդների, դրամական մուտքերի և հաշվեգրվելիք տոկոսագումարների նկատմամբ ունի գրավի իրավունք` ի ապահովումն Հաճախորդի` Բանկի հետ կնքված բոլոր գործարքներից, ինչպես նաև ՀՀ օրենսդրությամբ սահմանված այլ հիմքերով Բանկի նկատմամբ առաջացած պարտավորությունների կատարման: Հաճախորդն իրավունք չունի առանց Բանկի գրավոր համաձայնության գրավ դնել կամ այլ կերպ ծանրաբեռնել հաշվում առկա և/կամ ստացվելիք դրամական միջոցները։
- Հաճախորդի պահանջով Բանկը պարտավոր է հնգoրյա ժամկետում Հաճախորդին տրամադրել իր հաշվի վերաբերյալ Հաշվի քաղվածք` գանձելով հաշվի քաղվածքի տրամադրման համար Սակագներով սահմանված վճարները։
- Քաղվածքում արտացոլված տվյալները համարվում են hաշվով կատարված գործարքների մասին պատշաճ ծանուցում։ Քաղվածքում ներկայացված տվյալները համարվում են ընդունված և հաստատված Հաճախորդի կողմից, եթե Հաճախորդը քաղվածքի վերաբերյալ դիտողությունները գրավոր ձևով չի ներկայացրել Բանկին` քաղվածքը ստանալու պահից 30 (երեսուն) բանկային օրվա ընթացքում։ Բանկը պատասխանատու չէ քաղվածքների առաքման հետ կապված փոստային ծառայությունների կամ կապի միջոցների սխալի, թերացման, քաղվածքների կորստյան կամ հափշտակության հետևանքով առաջացած վնասի, ներկայացված պահանջների կամ տեղեկատվության հրապարակման համար։
Բանկային հաշիվների սպասարկման հիմնական պայմաններ (2)
- Բանկն իրավունք ունի միակողմանիորեն՝ առանց դատարան դիմելու դադարեցնել hաշվի սպասարկումը կամ փակել այն, եթե կասկածներ կան hաշիվներով իրականացվող գործառնությունների օրինականության վերաբերյալ կամ Հաճախորդը, Բանկի կողմից սահմանված ժամկետում չի տրամադրել Բանկի կողմից պահանջված տեղեկությունները, ինչպես նաև Հաճախորդի կողմից ստանձնած այլ պարտավորությունների չկատարման կամ ոչ պատշաճ կատարման դեպքերում:
- Հաճախորդն իրավունք ունի ցանկացած ժամանակ միակողմանիորեն հրաժարվել hաշվից և դիմել Բանկին hաշիվը փակելու համար՝ այդ մասին Բանկին ոչ ուշ քան 7 (յոթ) բանկային օր առաջ Բանկի կողմից սահմանված եղանակով ծանուցելով և ամբողջությամբ մարելով Բանկի նկատմամբ ունեցած իր պարտավորությունները։ Բանկը կարող է հրաժարվել hաշիվը փակելուց, եթե hաշվի վրա դրված են արգելանքներ կամ այլ սահմանափակումներ, կամ hաշիվն անհրաժեշտ է Հաճախորդի կողմից օգտագործվող այլ ծառայություններից օգտվելու համար, կամ Հաճախորդն ունի չկատարված պարտավորություններ Բանկի հանդեպ: Հաշիվը փակելուց առաջ hաշվում եղած դրամական միջոցների մնացորդը վճարվում է Հաճախորդին, կամ նրա ցուցումով փոխանցվում է այլ հաշվի` Հաճախորդի համապատասխան գրավոր դիմումը ստանալուց ոչ ուշ, քան յոթ օրվա ընթացքում։
- Հաշվի փակման պահից դադարեցվում են այդ hաշիվը սպասարկող Քարտերի սպասարկումն ու Համակարգերից օգտվելու Հաճախորդի լիազորությունները: Եթե այլ բան սահմանված չէ Բանկի կողմից, hաշիվը փակելիս փակվում են նաև դրան կցված այլ hաշիվները:
Թարմացված է 11.07.2024 10:35